Ahil n uɛiwed n weqɛad n weḥric n uzenzi di lwilaya n Tizi Wezzu (deg tazewara n useggas deg nella n 2011) d win mazal ur d-yelli ara. Ahil-a yeɛna s lexusus aqɛad n 14 n leswaq i wumi tettewaheyya yiwet n tedrimt s lqidar n 130 imelyunen n dinar. Leswaq yeɛna wahil-a d win Draɛ Lmizan, Draɛ Benxedda, Buɣni, Tizi Ɣenif, Iwaḍiyen, Larebɛ Nat Iraten, Ain Leḥammam d Buǧima. Ad ner lwelha belli leswaq-agi, i yellan seg aṭas iseggasen aya, d wid yettenɣasen acemma acemma, am akken yella lḥal deg suq n Buǧima i ineɣsen s tlata imuren s sebba n lebni deg tama-ines. Si tama niḍen suq n lǧemlla n lexḍra d lfakeya n Tala Atman d win i seg rewwlen ikumersiyen i sbedden ssuq berra i leqanun deg tɣiwant n Tadmayt. Ad nesmekti belli aḥric uzenzi d win iseqdacen aṭas n yelmeẓyen u leḥsab d win yewweḍen ɣer wazal 54.531 ikumersiyen deg useggas n 2010, u mazal leḥsab d win yettzidin.
D.I.