Ssebt iɛeddan d tafenṭazit. Dduklen-d at tseddawiyin, inelmaden n tɣamsa d icennayen n teqbaylit : El Ḥesnawi amecṭuḥ, El Djida tamechtouhth , Cherif, d wiyaḍ nniḍen. D ass n tussna ɣef ccna n teqbaylit. D tuɣalin s amezruy-ines, ɣer icewwiqen n tlawin, ɣef tbuɣarin, ɣer yezlan d uḥiḥa. d awal ɣef wid yeṛṛzan asalu i ccna n teqbaylit, di lweqt deg-i tella ccna d lɛar ɣef tuyat n bab-is. Am yergazen am tlawin, yal yiwen amek tt-yecna, yal yiwen amek yessuli di ccan-is : seg yiḍebbalen , imeddaḥen, ibuǧlimaten, imeksawen, iwiziwen almi d icennayen-nneɣ n tizi n wass-a, yal wa amek tt-ileqqem, yal wa s wacu tt-ileqqem. D ccnawi at zik, d isefra n at zik s lmusiqa n at tura, d imeslayen d lmusiqa n at tseddawiyin, d imeslayen d lmusiqa n at tura, yal tallit s yetran-is yemmlen abrid i yeqbayliyen di talliyin n ẓẓmik . ccna d tukksa n lxiq, d aḥemmel, d aḥaruq n lemḥibba, d lḥif n tmurt d win n lɣerba, d lferḥ, d lmut, ccna d acewwiq, d tibuɣarin, d izli, d aḍekkar, d tizlatin.
Snit-tent-id d azrar, yiwet yiwet, tlata n tnelmadin n llakul ɛlayen n tɣamsa : KESSAY Tamilla, SAYLEM Kahina d SAADOUN Nawel, s lmendad n Mas Khaled LALLAOUI d Kamel BOUDJEMAI i d-yewwin awal ɣef umezruy n ccna tamaziɣt d wamek tuɣ aẓar tineggura-yagi di tmura yegren irebbi i tegrawliwin n lyasmin. ṣṣut n El Djida Tamechtouht yeǧǧan kra din d imeḥdar ad ccirwen s icewwiqen-is , mazal-it ar ass-a d aleqqaq, s ccfayat-is ɣef imezwura n ccna n teqbaylit, s wid i tt-ileqqmen ass-a akken ur tettɣima d aḥeccad, ccna n teqbaylit, mazal lxir ar zdat.
Zira