Anebdu i teddud yettheggid nnuba i tmedyazt. At wawal mmyefkan tamugent akken ad tilli rreḥba i tmena akked d tugniwin yesduqusen lexwaṭer n yal n win iḥemlen innig ɣer lesrer n tudert deg yirebbi-s. Deg abrid-agi « taddukli tadelsant Yusef U Qasi akked d Taddukli Si Muḥend U Mḥend » sewjaden-t tadwilt tis tesɛa n « ussan n tmedyazt Yusef U Qasi d Si Muḥend U Mḥend » di Timizart Nat Jennad si 17 ar 22 di Yulyu id teddun.
Ɣef akken di yenna ulɣu id-aɣ d ileḥqen, tadwit-agi i d-iteddun ad tuɣal d tajmilt i bab n wawal amedyaz n Leqbayel Lunis Ait Menguellet. Imedyazen yebɣan ad ttikkin di tadwilt agi, ibanen ad tesɛu udem nniḍen yiffen yakk udmawen iɛedden, zemren ad aznen tlata(3) n isefra s demma ɣer tesqamut n uheggi s tawli n le net ɣer tisaɣwanin-agi( Liens)
awaliw_200@yahoo. fr
awaliw_250@hotmail. com
Neɣ s udem n lfax ɣer uṭṭun agi : 0 26 35 91 94.
Simmal teddun-t tadwilin n « ussan n temdyazt Yusef U qasi d Si Muḥend U Mḥend » simmal yettbin belli iswir n uheggi akked d udem n leqdic yettnerni, akka dɣa di tadwilt tis tmenya id yellan deg unebdu n yilindi, tuɣal tajmilt i u ccenay ameqran Mas Mejahed Hamid, iferḥen aṭas s wayen i d –ittuhagen ɣef ljal-is . Di tadwilt tis sebɛa tajmilt tuɣal i snat n tgejda n tmedyazt n taqbylit Ben Muḥamed akked Hajira ul Bacir. Ma yal di tadwilt tis tmenya d Matub Lunes umi tettwabud tadwilt-nni. Ɣef akenn id –aɣ d nnan imdebren n snat n tiddukliwin tajmilt ara s yuɣalen i Lunis d tin yemgaraden ɣef tiyaḍ, imi si tura imdebren-agi gren di telqay n wahil ara yilli si demma . Taɣiwant n Timizart ɣef yella Mas Juwadi Lunis ula d nitni ɛazmen akken ad ttikin deg ahil-agi wa d illin seg wid ara yeran azal i umedyaz ameqran Lunis Ait Menguellet. Am leɛwayed tadwilt ad tili ddew leɛnaya n tneɣlaft n Yidles, s lmendad n usaqamu unnig n timuzɣa akked d tallet n temehla n yidles n Lwilaya n Tizi Wezzu. Ad nesmekti belli deg imi tebda tfeska agi n tmedyazt Yusef U qasi d Si Muḥend U Mḥend, aṭas n imedyazen id yufaren deg yirebbi-s ger assen LaḥluAḥmed, Ulansi Yazid, Bahia Muḥemdi , Murad Reḥman , Nihad Saleḥ, Amsedrar,Luni Husin , Metahri Ḥakima,Twil Aḥmed, Dali Salima… d waṭas nniḍen. Ussan n tmedyazt Yusef U Qasid tagnit diɣen akkend ad mlilen udmawen yakk d Taẓuri am umezgun akked ccna, tifluyt, am wakken diɣ id tesmlil imewlan n tidmi s isragen iccuden ɣer udmawen tira akked d yidles s umata. Izumal n yemdanen id yettasen si yal amkan ad tikkin di tmaɣra wawal d tbut ɣef azal yefka uɣref i yidles-ines. Acqirew n yal yiwen d amek ara yenerni uswir n tsekkla taqbaylit s wudmawen is meṛṛa. Ihi imezdeɣ Nat Jennad ɣur-sen tamugent akked Lunis Ait Menguellet,d tmedyazt, d umezgun akken afus deg ufus ad yezdi wawal ɣer wawal amer tasekla taqbaylit tatrart ad teddu simmal ɣer zdat
Ait Slimane H