Ibrahim Afellay d amyurar n ddabex uḍar, n tmurt n « la Hollande » imi ilul-d di tmurt-nni ass n 2 yebrir 1986, leṣel-is n Lmeṛṛuk (Maroc) si temnaṭ n Rrif. Amyurar-agi i yetturaren di tanṭagt ɣer terbaɛt i d-yezgan d tamenzut deg umaḍal n ddabex deg yiseggasen-a ineggura, tagi d FC Barcelone n tmurt n Spenyul (Espagne), d win i d-isbegnen acuddu-ines ɣer iẓuran n lejdud-is d tmazɣa s umata, acku deg tmeɣṛa i d-heggan yemdebṛen d yemyuraren akked wid i iḥemlen tarbaɛt n Lbarṣa (Barça) mbeɛd imi d-ḥellan yemdukal n Messi taqbuct n trebbaɛ tilɣuɣin (la ligue des champions) n lber n Luṛup, Afellay yefren ad yeddifili s tɛellamt n yimaziɣen ger yemdukal-is imyuraren i irefden si tama-nsen nutni daɣen tiɛellamin n tmura-nsen….geddha ay amaziɣ.
Farid Lahouari