Tamehla n yedles n Tizi-Wezzu thegga-d yiwen n wahil adelsan ar ad-yessudes wexxam n yedles n Lmulud At Mεemmar steγzi n sin n wussan, (6 d 7 yunyu ) ilmend n usmekti n waggur n tmetti.
Di tmesbanit-agi tadelsant, ad-ttekkant Tizi-Wezzu, Bgayet, Tubiret, Bumerdes d Uγerbaz n tẓuri n yiεeẓẓugen.
Aṭas n yisaragen d temliliyin, timzikniyin n akk d yisura ar ad-yillin γef demma n tgemmi s tallelt n tiliẓri n tmaziγt tis 4. Awal a d-yezzi deg isaragen γef ddeqs n yisental, amedya : « Amezruy n tmurt n leqbayel di tallit n yiṭurkiyen », « Jerjer mgal anekcum Afransis » d yisentalen niḍen.
Ma yella d timzikniyin ad d-sekknent tabaγurt tadelsant (la richesse culturelle) akk d wesmel amazray n temnaḍin-nsen.
Islam Bessaci