Si unbir 2010 armi junyu 2011 i yeṭṭef usenfar i d-thegga tiddukla ‘’AJIE’’ (Association pour la Jeunesse Innovatrice et l’Environnement) d l’ambassade n tmurt n Fransa. Iswi n usenfar d aselmed n yidles n uḥareb γef twennaṭ. I wakken ad awḍen yimḍebbren-a γer lebγi-nnsen, qesden inelmaden n yiγerbazen ilummusa. Gar yiγerbazen i teεna temsalt : Larebεa n At Yiraten, Irjen d Wat Umalu. Ma γef wamek yedda usenfar, tenna-d temsiwt Saber :’’di tazwara, llant-d temsirin γer waman, ammus, leγwabi, ayen yeεnan akk aseḥbiber γef ugama. Syin newwi arrac γer yimekwan n usizdeg d usali n waman. Am wakken i d-ttwaxlaqen yigrawen i tira, tamezgunt d teklut di yal aγerbaz. Inelmaden-a, mbeεd mi ḥulfan s lqima n twennaṭ, ffγen s lğiha-nnsen γer yiγerbazen imenza akken ad sfehmen i wiyaḍ azal tesεa twennaṭ di tudert n umdan. Ẓzan,di&gamma,; tjur deg yiγerbazen. Di taggara uran-d yinelmaden-a yiwen wulγu anda ḍelben deg uneγlaf n ttrebga ad yessekcem aselmed n twennaṭ deg wahil n leqraya.
Asenfar yekfa s yiwet n temlilit ass-nni n 20 junyu 2011 di tzeqqa n uxxam n yidles Mulud Mεemmeri. Γef wahil n temlilit-a tenna-d Doudouche : ‘’nhegga-d ass-a isaragen, timsikent n wayen akk xedmen yinelmaden aseggas kamel, timezgunin, mebla ma ttuγ arraz i d-newwi i yal anelmad. Taswiεt tεedda akken iwata, nesḥassef kan γef yinebgawen ur d-nusi ara.’’
Hocine. M