Tikwal ttcihwiɣ-d tarewla seg yima-iw akin i tirga-w, akin i tlisa n wul, i lebɣi n waṭas. Ttcihwiɣ-d tinessufin icuban lemri, tid-nni i y-issemlalayen d yima-iw ; qerriḥit, bninit, ttceggiḍent, ḥeggunt, neqqent, ssakayent.Ttcihwiɣ-d tilin akken bɣiɣ, d wi bɣiɣ..Uɣal-d kan ak-kkseɣ lxuf, ad as-neg abrid i lbaḍna ad tazzel am tala, di tregwa n lebɣi. Lebɣi-w d asellak yal tikelt deg ara yennuɣni wul, yal tikelt deg-i ara yfelleq seg wakken i s-ɛebban lesnin. Lxiṛ yella , tiwwura ulac. Teḍra yid-naɣ am snat wallen, tilin war timlilit, ttemcedhint ur ttemmeẓrent. Serreḥ I yiles-ik ad yi-d-yini tineggura, tid-nni ɣef yebna llsas yugin akcaf, bennunt-tt lmalayekkat n wul deg ugni n usammar . Lebni n weẓru, ttembabban iɣaladen akken sennin wawalen ; lebni yella, wara izedɣen ulac! D acayaḍ n unebdu n leḥrur , fad yella, tiliwa qqurent. Asagem yeṛṛez ur t-terfid yall-is. Tikli-s ḥafi, lqedd-is yezdi, tamuɣli-is ar zdat, amer ad d-yeflali …
Zira