Tafaska tadelsant taεrabt tafriqt n cḍeḥ aγerfan tekcem di tezrigt-is tis 6 s wudem unṣib ass n 05 yulyu yezrin di temdint n Tizi-Wezzu. Tameɣra-agi, ara d-yilin ɣef teγzi n 6 n wussan tebda s yiwet n tmesbanit n trebbuεa deg yibardan n temdint n Tizi-Wezzu.
Tafaska n useggas-a tessemlal-d 17 n tmura n tefriqt, tid n usammar alemmas d tmura n umalu, gar-asent Tunes, Lmerruk, la Mauritanie, la Palestine, la Jordanie, le Liban, le Tchad, le Mali, le Niger, Madagascar, la Guinée, la Côte d’Ivoire, le Cameroun, le Burkina-Faso d Sénégal. Aseggas-a, tlata n tmura i yettidiren tiswiɛin n cwal am Libya, Surya d Maṣer ur ttekkant ara di tezrigt-agi tis 6.
Azal n 400 n yimdanen gar-asen 243 n tmura n lberrani i iḥeḍren di tfaska-agi almi d taggara-s, anda i d-yettuhegga yiwen n wahil d amarkanti. Azal n 42 n tmeγriwin n cna, 12 n yisaragen, 70 n yicennayen iyelnawen, tuget deg-sen d leqbayel, zzin-d i twilayt n Tizi, iwakken ad awḍen ɣer 17 n temnaḍin. Ad d-nesmekti d akken Timesbaniyin merra llant-d deg unnar n Oukil Ramdane n temdint n Tizi-Wezzu, anda wid id-yessudsen tamesbanit-agi, sεeddayen-d tirbbuyaε n cḍaḥ s cnna. Aya, iwakken ad ddun deg lebɣi kra n win i d-yusan.
Islam Bessaci