Ussan-a deg tɣiwant n Udekkaṛ di temnaḍt n Bgayet, imdanen wa yeqqaṛ i wa, seg yimi ɣer tmeẓẓuɣt, heddṛen, ttmeslayen ɣef yiwet n tyaziḍt mačči am tiyaḍ, acku tesɛa ṛebɛa n yiḍaṛṛen. Bab-is yenna : » Azal n sin wagⴳguren aya segmi rriɣ lwelha-w ɣer tyaziḍt-a « . Tayaziḍt-agi m ṛebɛa n yiḍaṛṛen s tezmert-is, tettidir mebla uguren yerna tettarew timellalin am tyuzaḍ tiyaḍ, ma d imezdaɣ yal wa d acu i d-yettawi, wa yeqqaṛ-d d lewhayem n ugama wayeḍ yerra-tt ɣer temsalt n yir afṛuṛex, maca dduklen meṛṛa ɣef yiwen n wawal mi nnan d akken : » limer deg tmurt-nniḍen i d-tufa iman-is tyaziḍt-agi ahat tuɣal d awal deg ttawilat n yisallen, yerna amarezg-is ad tɛeddi deg uɣmis n tmanya n tilibizyu. »…Wissen kan ma yezmer ad awen-yili di lbal uyaziḍ yeqqlen s ṛebɛa n yimesḍan !
Farid Lahouari