Ddurt yezrin, mbeεd tameɣṛa meqqren i yexdem udabu uɛḍil n tmurt n Sudan Wadda di temdint n Juba, ara yilin seg mesya ɣer zdat d tamanaɣt n tmurt-a tafriqit tis 55 i d-ilulen mbeɛd aṭas n yiseggasen n ccwal ger yiɣallen n uselway n Sudan Σumeṛ Ḥasan Lbacir d yigrewliwen n tama n wadda n tmurt.Tameɣṛa-ya, tella-d deg ass n 09 di yulyu, yeḥḍer deg-s uselway n lberlaman n Sudan Wadda James Wanni Igga, s tirza n Σumeṛ Ḥasan Lbacir d waṭas n wudmawen n tudsiwin tigreɣlanin ama d Onu neɣ tidukla n tmura n Luṛup. Segmi i tɛedda tmeɣṛa-ya, yennejmaɛ usqamu n Ugraw n Leǧnas Yedduklen ass n lexmis yezrin anda i d-yella lvuṭ s tuget ɣef uqbal n tmurt n Sudan Wadda ara ylin d tamurt tis 193 deg umaḍal.
Mokrane Chikhi