Wehran : Tajmilt i Farid Ouaras

Partager

Farid Ouaras, d yiwen n umastan neɣ amḥaddi n tmaziɣt, d anaẓur, d ameɣnas n teɣdemt tamettit, yellan zik deg ukabar n « PAGS », yewweḍ leɛfu n Rebbi n 31/06/2011 di lɛemr-is 45 n yiseggasen.

Ameddakel nneɣ Farid yella d yiwen seg terbaɛt n « Imnayen n Numidya » deg tazwara n yiseggasen n 1980, anda yella daɣen d yiwen n umaslaḍ neɣ aɛeggal n terbaɛt n ccna taqbaylit « Tilelli » di tlemmast n yiseggasen n 80. Farid Waras ilul deg Wehran deg useggas n 1966, ma d imawlan-is kkan-d seg Genzat (At Ɛebbas) aẓi n Yiɣil-Ɛli. D ajenyur n lebni, d ababat n twacult n snat n teqcicin.

Farid Waras d amareksi-alinini, yerna ɣer ukabar n PAGS di tuffra seg 1985 almi d 1990.

Yettwassen s leḥdaqa d ucmumeḥ, ula di tegnatin n ẓẓmek yezga yettaḍsa.

Ameɣnas-a d wis-sin seg terbaɛt « Tilelli » i yemmuten, imi yezwar-it yakan umeddakel nneɣ-nniḍen «

Ḥakim At Ɛli Yeḥya » i iɣaben deg yiwet n txeṣṣart yeḍran deg usensu « Hôtel Opéra » di Lpari.

Tarbaɛt-agi ideg qedcen, tessuli aṭas n tezlatin, am wakken daɣen i d-rran tiyaḍ seg tutlayin-nniḍen ɣer teqbaylit.

Ameddakel-inek : Ssi Reẓqi (di tuffra), tura d Awlawal kan.

Partager