Nnig n 5oo n yimusiqiyen d 55 n yicennayen izzayriyen i wumi tger irebbi taddart n tẓuri d yidles i d-thegga, i tikkelt tamezwarut, Ṛṛadyu n Lezzayer. Ddeqs n tmeɣriwin n ccna ara yettwaxedmen di sin n yimukan i d-yettwaheggan beddemma ama di Ccapiṭu : Djamel LAROUSSI, Djmawi Africa, Cameleon, Gaada Diwan Bechar, Les Bérbères d Malika Domrane, Ait Menguellat, Mohemmed ALLAOUA, Raina Rai, Djamel ALLAM, Karim Ziyad….ama di lxayma 😀 Reda Sika, Mohemmed Rouane, Mazal, Hakim SALHI…D tagnit i usenɛet n waṭas n isura i ubeḥri n yiḍ ama i warrac imecṭaḥ ama i ymeqranen. Xemsa n tmezgunin, yiwen yiḍ i ymextan, setta n temliliyin n tsekla, aznuzu n yedlisen s ubuddu, artg.
Tiwwura n taddart n tẓuri tellint si 21H00 d tusawent, amkan yewseɛ, deg-s tukksa n lxiq, turart, lmakla, internet, d imukan i tkersin n wid i d-irezzun. Timeɣriwin di CCapiṭu ttilint-d ɣef 22H30, di lxayma ɣef ttnaṣfa n yiḍ. Yettkemmil leqdic s Cinéma d tsekla alma d 3H00 n ṣṣbeḥ.
D tagnit i tẓuri d yidles, di le complexe olympique Muḥemmed BUḌYAF, di Lezzayer tamannaɣt. A win yufan tadrimt aṭas, ad ifaṛes tiswiɛin am tigi, imi qlilit temliliyin i d-yessemlalyen tiwaculin tizzayriyin s yedles, di tmurt-nneɣ !
Zira