Sennin wul, lxaṭer-iw ihaj am lebḥar. Zegglaɣ aneɣluy n yiṭij i d-yettarran ṛṛuḥ i tmuɣli yal tikelt deg ara temmundel tiṭ. Nnesmumiɣ s uɛarud n wamur i yi-d-iṣaḥen: d abeḥri n lebɣi igellun s yixef-iw, amwanes d lexyal, yellez seg wayen ur d-yessuyes. Leḥmala tbedd ɣef wemnar, teṭṭilli-d ur d-tkeččem. Leqrar ur yezmir ḥed ad yaf abrid ɣer ɣur-s. Ussan yefsan beqqan-id sslam yal tikelt deg-i ara y-iwwet wugur n ṭṭlam. Tikli ḥafi, ma maci d asennan d iẓra n leḥzen inettun deg uḍar am wakken nettun deg ul. Bɣiɣ ad nnejliɣ akin i tirga-w, akin i wayen i y-issekwen di tala n waḍu, i wayen i yesgugmen tilin-iw iɣdem-itt am isegmi aleqqaq. Bɣiɣ ad lḥuɣ tikli n ucewwiq, xas ma ccarwen medden, ad iyi-slen. Bɣiɣ ad ibnineɣ lbenna n tamment, xas yella qedran deg wayen i yezwaren. Aṭas i yebɣa wul-iw, aṭas i d-imenna lxaṭer-iw.. Di tmurt n tirga, kullci yella, awi-d kan win ara yargun, baba ad as-tt-ḥkuɣ, yemma ad tt-tessufeɣ ɣer lxiṛ, leḥbab ad deg-s ilin, ad nekkes fad i d aɣ-yerwin..
Zira