Ugar n tmanya n yimelyan n yinelmaden i yeṭṭfen abrid n uγerbaz ass-nni n lḥedd iεeddan. Ma yella di tesnawit d uγerbaz alemmas ur yelli kra n ujdid, deg uγerbaz amenzu yekker uhetwir deg yinemhalen. ‘’Ar tura ur neẓri d acu ara nexdem. D lewqat kan n leqraya i aγ-d-sbanen. Yella-d usenqas di swayeε n yal aswir, llan wid ara yeffγen γef zzuğ d uzgen, kra γef tlata d 15 ddqayeq ma d wiyaḍ γef rrebεa d 15 ddqayeq. Ur yelli kra i aγ-d-nnan neγ i d-heggan γef temsalt-nni n waddal d yidles.’’Akka i aγ-d-yenna yiwen unemhal n temdint n Tizi Wezzu.
Σlaḥsab n tneγlaft n ttrebga, asenqes n swayeε i d-yellan di smana n leqraya, ad d-yettwaγrem di teγzi n useggas imi ad d-yelli ubeddel deg ussan n yimuras. Ma dayen yeεnan ahil, ur t-id-yewwi ara umeddaḥ di teqsiṭ xas ulamma yesḥassef uneγlaf deg wagguren iεeddan γef uswir n uγerbaz amenzu.
Akken yebγu yili lḥal, nessaram afud igerrzen i yiselmaden d yinelmaden.
Hocine. M