Tiziri chirifi, d yiwet n teftilt yuγen, tefkka-d tafat i waddal n jeux d’échecs i temnaḍt n leqbayel d Lzzayer sumata. Tiziri Chirifi, tllul ass n 17 γuct 1993 di taddart n Yiγil n Tizi-Bba, taγiwant n Wizgan. Si temẓi-s tḥemmel urar les échecs.
Asmi tesεa 10 n yiseggasen di leεmer-is, tekcem γer Tiddukla Tanaddalt n taddart-is Iγil n Tizi-Bba. Tiddukla-agi trebba-d ddeqs n yinadalen, ger-asen Tziri.
Tamsizelt taγelnawt i deg tettekka i tikkelt tamenzut, tella-d di Tiaret aseggas 2004, anda teṭṭef amḍiq wis 6. Maca seg ass-nni , teteddu deg webrid n tneflit, ladγa mi tewwi amḍiq wis 4 deg temsizelt taγelnawt useggas n 2005 i d-yellan di Lzzayer tamanaγat tamnaḍt n Tiqesrayin.
Assegas n 2008 d 2009, tella-d talγuγa n Lzzayer n Les éches di temnaḍt n Tipaza, anda d-tuli aṭas deg igemmaḍ-is, acku teṭṭef amḍiq wis sin n telγuγa n Lzzayer s teγzi n ssin n yiseggasen.
Ma yella d timsizela tigreγlanin, Tiziri tekka deg waṭas deg-sent, amedya, timsizla i d-yeḍran deg waggur n γuct 2008, deg tmurt n Dubai , anda i tqubel s tebγest inaddalen n tmura n waεraben (Syrie, la Jordanie, le Qatar, Bahreïn…), tewwi amḍiq wis 7, γur-s 16 n yiseggasen.
Sin n yiseggasen γer s zdat, tekka Tiziri di talγuγa n waddal iγarbazen n Les échecs n tmura n waεraben, i d-yellan di tmurt n Lubnan. Tafidiralit Tazzayrit n waddal n Les échecs twekkel Tiziri ad tmetel tamurt n Lzzayer acku sεan issaγ yid-s. Tikkelt-a Tiziri texdem agemmaḍ yelhan, acku teṭṭef amḍiq amenzu d wis sin di temsizelt ger trebbuεa.
Asirem n Tziri d tauɣal, yiwen wass, d talγuγt (championne) n umaḍal n waddal n Les échecs. Tenna-aɣ-d : « Γas akken ur sεiγ-ara ttawil-at akken iwata, maca xedmaγ tazmart-iw. Akken i qarren Amdan iteddu akken yufa, mači akken yebγa ».
Islam Bessaci