Win ara yegren tamawt i tsekla taqbaylit, ad yaf aṭas n temεayin i yellan. Ttwasexdmen deg-sent iɣersiwen. Amedya, tella yiwet n tmacahut i iheddren ɣef ṭṭmaε, degmi dɣa uccen d aɣersiw i yettusexdamen nezzeh di temsalt-agi. Macahu tellemcahu ad tt-yeḍbeε Ṛebbi d asaru. Qaṛṛen yiwen wass, iwala wuccen tacriḥt n uksum d tameqqrant di lɣula neɣ di tqerract. Yebɣa ad tt-id-yeddem i wakken a tt-yečč. Nnan-as madden: “Ay uccen, ɣur-k tacriḥt-inna, deg-s daεwessu. Yenna-asen: “Ziɣ tefram, mazal tettamnem s daεwessu”. Iṛuḥ, yeddem-itt-id, dɣa teṭṭef-it tqerract seg yiberḍiyen-is. La yettuɣu, ur yezmir ad isellek, yuɣal yenna-asen: “ Ccah, ccah yerna tennam-iyi deg-s daεwessu”. Nann-as: “Mačči d tin i d daεwessu. Daεwessu, mi ara d-yaweḍ bab-is”. Meḥsub bab n tqilleεt.
Yahia Yanes