Isufar n tuččit :
1. Arukti yulin.
2. Tabewwaḍt n yigersalen.
3. Tibselt igezmen d tarqaqt.
4. 200 g uzemmur azegzaw igezmen d ticfirin.
5. 03 neɣ 04 n tenjayin n useqqi n la bicamel .
6. 100 g n ufermaj yeẓḍen.
7. Tameqqunt n lmednus
8. 04 n tenjayin n zzit.
9. 02 n tmellalin tuftiyin yezḍen.
Aheggi n la béchamel :
Daxel n tkasrunt ad nger 60 g n wudi, mi yefsi wudi-nni, ad as-nernu 60g n lfarina, ad ten-nettḥerrik s tɣenjawt n usɣar, syin akin ad as-nernu litra (Ol) uyefki wa ad ten-nettḥerrik akkenni ɣef tmes ḥlawen alamma tuɣal d tazurant, ad tt-id-nekkes, ad as-nernu lemleḥ, ifelfel aberkan, wa ad as-nezuzer cwiṭ n tjujet n ṭṭib .
Tamawt :
Ma yella la bicamal teffeɣ-d tzur aṭas ad as-nernu cwiṭ uyefki.
Ma yella xfifet aṭas ad as-nernu cwiṭ n lfarina.
Aheggi n tuččit :
Daxel n tmeqlit, ɣef tmes ḥlawen, ad nger zzit, Tibselt, lemleḥ, ifelfel aberkan, ad ten-nettherrik si tikelt ɣer tayeḍ alamma yefsi lebṣel-nni, syin ad asen -nernu igersalen. Ad ten-neǧǧ akkenni 03 n dqayeq, mbeɛd ad asen-nernu azemmur ad t-neǧǧ ad isew lbenna -nni n lebsel. Mi yeswa dayen azemmur-nni lbenna n lebsel, ad asen-nernu aseqqi n la bicamel. Syin ad ten-id-nekkes ɣef tmes, ad asen-nernu afermaj yezḍen, timellalin, akked lmednus. Ad ten-nerr di ljiha.
Ad neddem arukti-nni yulin ad ten-cewweḍ -(aplatir) daxel n sniwa, ad nesmir ɣer daxel anexlud-nni n uzemmur, igersalen, tibselt… ad as-nezzuzer afermaj, ad t-ner ɣer lkuca alma tewwa tḥbult-nni.
Tamawt : Ad nesseww azemmur daxel n waman ara nbeddel
mertayen, i wakken ad as-nekkes lemleḥ. Syin, ad t-negzem d ticfirin.
S-ɣur Noura