Taggara n yimalas yezrin, kra n yimakaren kecmen ɣer yiwen n uxxam di temdint n Tubiret kra n wakud kan mbeɛd lfaḍur. Iminigen-a n yiḍ fursen tagnit imi bab n uxxam iruḥ ad yeẓẓal di lǧameɛ, ma d tawacult-is rzan ɣer yiwen n umuḍin. Imaren kan i yudfen ɣer uxxam–nni anda i wwin yid-sen tadrimt s lqidar n 130 n uimelyunen n ssantim, ddheb d lfeṭṭa d kra akka n tɣawsiwin timeẓyanin yesɛan azal. Uqbel ad fɣen, imakaren-a rwin s kra akk yellan deg uxxam. Mi d-uɣalen yimawlan, dehcen mi d-ufan liḥala ideg yella uxxam-nsen, d ayen i ten-yeǧǧan ccektan ɣer yiɣallen n laman i yeldin akka tura yiwen n ukaram n unadi iwakken ad d-afen wid i ixedmen tadyant-a.
S. M.