Amejjay: ahat, maca akken i d tban di Teɣdemt d tameṭṭut d wawal, yerna melliḥet aṭas.
Anekruf: twalaḍ! amek ur k txeddeɛ ara! imi
ara ad ak t-ini nekk ynek ala i kečč, ma akken ara d tettεedday tezlitt- nni, nekk akk d kečč ya zin nekk akk d kečč d isin
Amejjay: mi d udreḍ radyu tura ad d zziɣ (adyeffeɣ)
Anekruf: (yeṭṭef-it-id) d kečč ara yegganin Sell….s kra imi ara bɣuɣ ad awen-d meslayeɣ
tettafem-d tamentilt (seba) s ways tregglem fell-i,
maca ilaq ad meslayeɣ, ilaq ad iyi-d tesmeḥseḍ
Amejjay: (ibedd) aha ihi mmeslay
Anekruf: nniɣ ak-d d tizlitt- a i d i ttɛeddayen di
Radyu nettat teqqim ɣef yiman-is, ger ifassen is
issegnan tkessu iseqciren, ɣas tkessu maca allen-is tressatent-id ɣur-i tcennu-iyi-d:Tudert-iw i kečč, Ayen akk ara kkeɣ umneɣ-tt, aziɣen nettat teqqaz- iyi tasraft! erniɣ sin waguren degmi i nemyercal (nezweğ) tban-d ccikaya ur n ban n waniwa-tt, dɣa eṭṭfen-iyi-d
Amejjay: amek ur tcukkeḍ ara, belli d nettat i
ak tt-igan?
Anekruf: tesseɣfel-iyi s yimeṭṭawen-is n lekteb, Nekk ttɣileɣ d yiwen seg twacult n urgaz-is, ih! Tesseɣli-d igenni, aziɣen kra din akk, akken kan ad-iyi tessexreb lğerra, ur tt-ttaraɣ ara ɣur-s
Amejjay: ma akka i tella, ahat d tidet!
Anekruf: ula d nekk akka i yettɣileɣ, d ayemmi
i d-iyi-tessumen, d ayemmi iqebleɣ ad bibbeɣ kra yellan
Amejjay: ula d nettat akka i d tenna s yimi-s, d ayen ur terri ara akk ar ɣur-k, yerna lammer d anida ara tgeḍ tamsalt am-ta wammag ur tufiḍ tamara i tt irran ad tzweğ d win yenɣan argaz-is
Anekruf: D stut, tessen akken i temsel awal, ad tneɣ ad twajeh. kra din akk tenna-t-id akken kan ad att-sellek iman-is, a mačči d nekk i d t-iɣaden, Tin-na! ah! iεedda fell-i uzaylal, qqimeɣ alammi i d-iyi ɛerran d tazaleɣ, lammer ad twaliḍ akken i d-iyi-d teqqar! imi ara d tettεdday tizlitt-nni ay afrux-iw, d kečč- i d rruḥ-iw, d rruḥ n rruḥ-iw
Amejjay: (igzem-as-d awal) iḥqa mmektaɣ-d imi d bedreḍ radyu …rağu cwiṭ (yebɣa ad d yeffeɣ)
Anekruf: (yeṭṭef-it-id ma welli ad yeffeɣ) d kečč ara yerjun semḥes mliḥ i wayen ara ak-d-iniɣ…yal abrid ara bɣuɣ ad d messlayeɣ ad tafem timental (ssebat) ad trewlem fell-i…maca yewwi-d ad mmeslayeɣ… yewwi-d fella-k ad-iyi-d tesmeḥsseḍ
Amejjay: (ibedd) aha ihi ini-d ayen i k yerḥan effsi-d taculliṭ-ik
Anekruf: nniɣ-ak tizlitt-nni tettɣenni-d di radyu netta tella teqqim din ar yiri-s tekessu iyi-d atriku ad iyi-d tmuqel alamma aṭas ad iyi-d tini: a rruḥ-iw tudert-iw iynek alamma yefna leεmer) nekk umneɣ-tt….maca twalaḍ d acu i d leεmer ɣur-s sin waguren ala aya I yekka zzwağ nneɣ, tban-d ccikaya urn ban n waniwatt dɣa wwin-iyi-d
Amejjay: acimi mačči d nettat i tcukkeḍ si tazwara imi d tban kan akken?
Ameḥbus: tessamen-iyi s yimeṭṭawen-is d yiles-is yetqudduren d tiẓeṭ d leḥnana tessumen-iyi belli d wid i as yettilin i urgaz-is id t-igan, xsen ad sluɣen tagnitt akken ur d ittili ara lwert
Amejjay: ahat d tidet
Anekruf: d tidet, yezmer ad yili wannect-a, swaya i d iyi tessumen alammi i bubbeɣ aḥedduf
Amejjay: ula d nettat ur d tenni ara d kečč i yenɣan ur tumin ara akkiya, acku lamer teḥsi d kečč i yenɣan argaz-is wammag amek ara k teqbel ad tezweğeḍ yid-s, ad tezweğ d win yenɣan argaz-is!
Anekruf: tezzeɣzeɣ; tezzeɣzeɣ yerna s tidett, s ufella teban-d am wakken d nekk i d tiɣaḍen netta di tilawt tekkat amek ara tessemneε iman-is ad terreẓ aḍad akken ur d tiṭṭafar ara, acku ula d nettat ad teglu yes-s, dɣa turartt-id am akken ur tettikki ara, ata wamek tella, hatah akken tella temsalt
Amejjay: d acu i k id sfaqen ihi?!
Anekruf: tamuɣli-nni i ttemḍeggaren gar-asen, din din yureww-itt-id wul-iw, yella kra ffren. s kra taɣdemt(justice) t-teddu arezdat banen-iyi-d am wid imi d tuqiɛ ara, rtaḥen! alammi uɣaleɣ skadbeɣ ayen zerrent wallen-iw, d imuḍrawen…am win i d iyi-d-yefkan iṣerṣir (iṣerfiq) mmektaɣ-d ammek i ttemḥeggazen ar teɣmart yal abrrid ara d yass s axxam! timecki ara ad testeqsiɣ ɣef yilemẓi- nni teqqar-iyi-d : ɣef lwert i nettmeslay ..ulac win i as izemmren yal ameslay deg umkan-is tettqisi akken iwata, nettat teqqar-iyi d ur tednibeḍ ara, ma d netta yenna-as d tayri n tmeṭṭut-is i t-idemmren alammi i t yenɣa. Awah! msefhamen ɣef uqerruy-iw akken i wata: ala nettat imi d seqqa s wedfel: amenzu yemmut, wis sin ata d ameḥbus, teqqim-d nettat d umeɛcuq-is , ɣef yiman-nsen! haten twerriɛen deg wayen ur ttayalen, ulac win i tt-yufan am nutni tasekkurt timellalin
Amejjay: ad as t-iniḍ d asru neɣ d tamacahutt, ulac ass i deg i twalad asaru am wa?
Anekruf: waqila testufaḍ-d i utmesxer
Amejjay: suref-iyi, ala! ḥaca mačči d ayen-ni i d qesdeɣ, walaɣ d acu i teswiḍ u walaɣ d acu i yesswa wemkan-ik, maca amcukkel i temcukkel temsalt tezmer ad d ssiwḍent bab-is ad d iwali ayen yettwali yiwen, nekk nniɣ-as ma yella tiktiwin-a d wiyaḍ i ak ten-t-id yessawḍen akken ad ak kemmlen ayen yegran deg-k. Wama nekk xseɣ ad tettuḍ akk annecta, wa ad tqbleḍ tillawt akken tbɣu tili acku d ayen i yelan
Anekruf: Kan akka s tsusmi?!
Amejjay: atan diɣ qrib i ttuɣ! Usiɣ-d ad ak d-iniɣ wwiɣ-ak-d Radyu, Radyu i ynu …yeqbel unemhal ad ak tt-id reḍleɣ
Anekruf: tanemmirt
Amejjay: attan ar uεessas tura ad ak t-id awiɣ
I ruḥ ar tewwurt iger aqerru-s ger lelwaḥ yettwehhi s ufus-is dɣa yezzel-it i uεussas imudd-as-d radyu yunzen ar tbalizt tɣellef s lkaɣd d awraɣ yessers-it af ṭabla yellan ar yiri n srir yebda la yedewwir di tqeffilt alammi i d tenṭeq
Amejjay: (iwexxer ɣaf ṭabla-nni kan akken deg ufus-is taɣlaft-nni yesmeḥsis i uẓawan) mačči akka i axir i tura?!
Anekruf: (am win ur nesli i kra) d tidet, akken tram (tebɣam) ad ruḥeɣ…war taḍat
Amejjay: (s uḥellel) s yiman-ik d amejjay ameqran, d ayen i s i tεlmeḍ, aḍegger n tezmart deg wayen ur n wata ala lemḍerra i d yettawi i bab-is
Anekruf: d tidet… d ayen ur nettuɣγal ara ar tuddza-nni n waman, d ayen teffra… (Ibeddel awal) i tjellabt-nni deg ufus-ik d acu-tt.
Amejjay: ta?!d radyu-nni i d iyi-d- tessutreḍ akken
Anekruf: (imudd afus-is) sken-iyi-d ṭra…
(Yeṭṭef- itt deg ufus-is yerra ar yiwen wejqiq deg id ttεedday tafat yeṭṭalay-itt, tban-d radyu-nni deg tjellabt-nni)
Amejjay: iban-iyi-d akken i d tenniḍ akken i yella lḥal
Anekruf: (yettmuqul radyu-nni) acḥal akken tesεa di leεmer-is?
Amejjay: azal n 25 n yiseggasen, ugareγ-tt s 3 iseggasen ɣas ma deg yiwen useggas i d nessuli taɣuri,
Ameḥbus: (yettḥeṣṣis i radyu-nni)
Melmi i temyezwaǧem?
Amejjay: sin iseggasen aya…nettat terra ar (SBIṭER) n tmennifriyin ma d nekk erran-iyi d amejjay n lḥebs-a
Ameḥbus: Seg zik-is tlehet?
Amejjay: Ala sin waguren-aya kan
Ameḥbus: Tettmahal (txeddem) aṭas?
Amejjay: Deg yimi ara d tekker ṣṣbeḥ zik d nettat ur tessrusuy tadla-s.
akken yal ass ad tekker ad tlethi d lecɣal n wuxxam, s yin ad truḥ ar ixeddim imi ara d teffeɣ llant tikwal tettara ar tiddukla imeɣban ernu-yas diɣ tettiki deg usufeɣ n yiwet n tsɣunt n tujya, zemmreɣ ad iniɣ ur tesgunfuy ara akk
Anekruf: D wa imi qqaren leεtab
Amejjay: Akka i d as nniɣ ya, maca εeddi, degmi twala lexlaṣ-iw cwiṭ, ur aɣ d ittqadd ara dɣa tra ad nidir cwiṭ akken iwata tezga teqqar-iyi-d: “aniwa i d gma-k ay azger, d win i deg-id qqneɣ, axxam am tkerrust yiwen uεudiw ur yessawaḍ ara
Anekruf: (yerra-as-d radyu-nni) amerezg-ik
Amejjay: ulac d acu i tufiḍ?
Anekruf: ur tufiḍ i d acu i tuḍen
Amejjay: d εeyyu kan?
Akli Outamazirt