Macahu tellemcahu, ad tt-yeḍbeε Ṛebbi d asaru. Yiwen wass, nnan-as i wuccen: « Welleh ala yehwa-yak teqdeḍ akk akka, ayen i ak-iketben ɣer uxxam ad d-isteqsi ». Yerra-asen: « Ur ugiɣ ara, ad waliɣ dɣa ». Iruḥ ɣer yifri, yeqqim la yettṛaǧu, iwala yal lxiṛ yettεeddi di tezgi, netta ur iḥerrek ara. Yettṛaǧu lmektub ad t-id-yaweḍ ɣer yimi-s. Asmi iwala iman-is qṛib ad yemmet si cceṛ, ur yelli win yesteqsan fell-as, yeffeɣ-d, ineggez ɣef yiwen n uwtul, yečča-t. mi yeṛwa, yenna-as: « S tidet, yella lmektub, maca ilaq uneggez ». Tella daɣen temεayat-nniḍen am tagi, ɣef wuccen daɣen, asmi ijelleb ɣef tara, yekkes-d ayazi n tẓurin, iwala-t-id-bab n tejnant, yuzzel-d s tehrawt, maca uccen iger kan ayazi-nni deg uqemmuc-is, yerwel yeslek, yenna-as bab n tejnant: « Ruḥ yeketb-ak ». Yuɣal wuccen, yerra-as-d: « S tidet, yekteb-iyi, beṣṣaḥ, ittekki-tt ujelleb ».
Yahia Yanes