Gar wayen yeṭṭfen ddehn n wid i d-yerzan γer rreḥba tis 6 n udlis i d-yellan ddurt iεeddan deg uxxam n yidles Mulud Mεemmri n Tizi Uzzu, d tizrigin ‘’ Voir par le savoir’’. Axxam-a, yerra-d yimḍebber-is, Mass Amalou, kra n yidlisen γer tira n wid ur nettwali (Le Braille) s tlata tutlayin : tamaziγt, tafrensist d taεrabt.Γef leqdic n tizrigin-agi, dγa, tenna-aγ-d Temsiwt RAHMANI : Mass Amalou, yezwar yerra-d akk ayen yexdem netta γer tira-agi (Le Braille). Syin yura-d idlisen n umezruy, tiḥkayin i warrac imeẓẓyanen d waṭas-nniḍen s tlata tutlayin : tamaziγt, tafrensist akked taεrabt. Ma γef wayen yeεnan iswi n lxedma-agi, tkemmel tenna-d : wagi d yiwen n ttawil i wid ur nettwali ara, ama d imeẓẓyanen, ama d imeqqranen. Am wakken, di&gamma,; d allal i yinelmaden n tesdawit imi aṭas i d-iruḥen γur-s u ṭṭalaben deg-s ad d-yerr idlisen ara sseqdacen deg tesdawit. Zyada γef wanect-a, Mass Amalou yettεawan aṭas n tiddukliwin yellan deg uḥric-agi n wid ur nettwali ara.
Hocine M.