Imezdaɣ n taddart n tiɣilt tazeggaɣt, i yettabaɛen ɣer tɣiwant n Ɛǧiba i ibaɛden s wazal n 30 yikilumitren ɣef lwilaya n Tubiret, ttidiren lexsas meqqren deg wallalen n tudert, ɛlaḥsab imezdaɣ n taddart-a ttwalin dakken taddart-nsen tettidir deg lḥif acku ur sɛin ara iberdan, imukan ideg ara kksen lxiq am uxxam n yilmeẓyen, inurar n waddal akked lgaz n temdint…
Rnu ɣer wannect-a, wekkden-d daɣen belli imḍebbren waɛdenten-id acḥal n tikal mac deg tilawt acemma ur t-id-xdimen, ɣef waya i d-gren tiɣri i tikelt-nniḍeni yimḍebbren iwakken ad d-afen tifrat i wuguren-a s lemɣawla.
Bousbaine.S.