Cherif Messaoudène 04 n yiseggasen zrin Tawacult n tẓuri akked yedles amaziγ anda ma llan, rran tajmilt s wul zeddigen i yiwen n umaγmas n tmaziγt, tugdut d tlelli, wagi d mass Cherif Messaoudène, anemhal n wexxam n yedles Ferrat Remdane n temnaḍt n Wizgan, lwilaya n Tizi-Wezzu, u d saselway n tiddukla tadelsant Igelfan n temnaḍt-agi n wizgan, i tewwi tmettant ass n 18 yebrir 2010, azemz (Date) n umuli n tefsut tabberkant, tamḍelt-is tella-d ass n tefsut n yimaziγen (20 yebrir 2010) acku d aneγmas n tmaziγt d tugdut seg ul. Γas akken Cherif Messaoudène icewwel-it waṭan, maca yesεa tabγest swayes yeqqubel tagnitt.Imezdaγ n Wizgan ar ass-a cffan merra γef ayen id-yefka wergaz-agi i yedles, γef taftilt n yedles i yecεel . yefka tudert-is ilfayda n yedles amazi&gamma,; 44 issegasen deg laεmer-is mazal ur yezzwij-ara, yal tikkelt yeqqar “nekk zzewjaγ d yedles”. D netta i d-yewwin γer wexxam n yedles Ferrat Remdane n Wizgan Irgazen imusnawen, imawlan n yedles d tẓuri, ger-asen llan : Ben Mohamed, d amedyaz, Daho Djerbal, d amnazray u d anemhal n tesγunt NAQD, Habiba Djahnine, cinéaste u d tamedyazt, Youcef Merahi, d amedyaz, u daselway n wesqqamu unnig n timuzγa HCA, Ali Feraoun, Mmi-s n wemyaru Mouloud Feraoun, Abderrahmane Bouguermouh, , Belkacem Mostefaoui, Louiza Ighil Ahriz, d tamjahedt u d-tamyarutt, , Amine Zaoui, d amyaru, Rachid Boudjedra, d amyaru, Maissa Bey d wiyaḍ merra id-yussan γer Wizgan.I tama niḍen Cherif yeslul-d yiwet n tesγunt »Echos de Bouzeguene » fγent-d deg-s 9 n wuṭṭunen, rrnu γef waya, Cherif Messaoudène yeldi yiwet n temkarḍit deg wexxam n yedles n Wizgan. Cherif d taεewwint n yedles anda i yugmen aṭas n yemdanen, taxalaf leqqaqen, γas yemmut imγan-is mazal meqqin, mazal-it yedder deg ulawen-nneγ ilebda, taftilt yessaγ tecεel ur txetti.
Islam Bessaci
Wizgan
Timzizelt n tzabut n tmaziγt
I tikkelt niḍen, Lilyan BELΣEBBAS tufrar-d deg wemḍiq amenzu n temzizelt n tzabut s tutlayt n tmaziγt, id-sudes tdukkla tadelsant Tiεwinin n Wizgan, ilmend usmekti n umuli wis 02 γef tmettant n unaẓur Mhenni Amroun akked usmekti umuli wis 34 γef tefsut n yimaziγen. Timzizelt-agi yesduritt-id wexxam n yedles Kulunel Muḥend Welḥağ n taddert n Wizgan, ass n 20 yebrir yezrin, anda i yukkan nnig n 200 n yinelmaden i yettmetilen iγarbazen yemgaraden n ssin n yeswiren, amenzu d ulemmas n temnaḍt n Wizgan. Timzizelt-agi n tzabut s usentel « Araz n Mhenni Amroun », i tewwi Lilyan BELΣEBBAS, d tanelmadt deg uγarbaz amenzu Buda Muḥend Saεid n tγiwant n Wizgan n weswir wis 05. I wesmekti, Lilyan BELΣEBBAS tufrar-d deg wemḍiq amenzu di temsizzelt n warraz n Lmulud At Mεemmar i tzabut, id-yellan ass n 15 di furar 2014 di tzeqqa meqren n wexxam n yedles n Lmulud At-Mεemmar n Tizi-Wezzu. Dγa nessaram i Lilyan BELΣEBBAS, fud igarzen d tebγest iğğahden , imi tefka azal aṭas i tutlayt n tmaziγ.
I B