Ass-a zzin-d 21 n yiseggasen seg wass mi yeɣli umeɣnas n tidet d tezdeg : Tahar Ǧaɛut.
Ass-nni amcum mi ɣ-tenɣan icenga n tafat, mačči d mmi-s kan n wulxu i wumi swezlen tudert. D yiwen gar yetran n telsa yesɣalen abrid n liser, d ameɣnas n tidet, d amusnaw, d amedyaz, d aneɣmas yugin tikerkas, i d-yessummulen lbaṭel, d argaz yezzwaren i wid-s i wumi ukren tudert.
Am akken ttnusun yetran deg yigenni i yensa Tahar Ǧaɛut. Maca, xas ass-a Tahar ulac-it gar-aneɣ, tafat d-yeǧǧa mazal nettwali s yes abrid. Am akken s yerra uḥeddad n wawal tajmilt:
“Xas terka lǧetta tefsi
Tikti ur tettmettat ara
Xas fell-aɣ qesḥet tizi
I facal ad d-naǧew ddwa
Xas neqḍen acḥal d itri
Igenni ur inegger ara”
Aɣerbaz alemmas n At-Yanni
Lɛeṛbi At Ɛmer
Agraw n yinelmaden