Taddart Ibusaɛden deg tɣiwant n At ɛisa Mimun tettidir lixṣaṣ meqren deg waṭas n yiḥricen. Ugur n yiberdan yeɣleb merra ayen nniḍen. Abrid n taddart yesɛan azal n tlata ikilumitren di teɣzi yenṭer mačči d kra. Di ccetwa, aluḍ yessewɛar aɛeddi i yimezdaɣ i ssuturen deg yimḍebbren terza taluft ad d-gren iman-nsen iwakken ad ssuzfen lḥif ɣef yimdanen. Am waken daɣ, imezdaɣ-a, ssuturen ad ilin am nutni am wid n tudrin nniḍen, imi ineggura-a sfaydan s uqeɛɛed n yiberdan d uxeddim-nsen s ssiman, ayen ur nelli ara ɣer At Ɛisa Mimun.
D. I.