Tuɣaled tfaska tis snat n ccna d tẓuri taqbaylit,deg wexxam n yedles Tawes ɛamruc n bgayet swahil d amerkanti, yeldi tiwwura ines ass n lexmis iɛeddan s tṣawer icebḥen n wacḥal inaẓuren iqbayliyen di temzikent iɛemren tazeqa n wexxam n yedles.
Tamuɣli tikelt a tellad d ttajmilt i yuɣalen I wnaẓur Ɛellawa Zerruqi d Nwara, ahil yebḍa ɣef tuɣzi n setta wussan si 3 ɣer 8 dujenber. Tettuɣal tejmilt yal ass i yiwen unaẓur si isaragen id ittuheyyan ilmend n waya, ass n lǧemɛa Mass Racid Muxtari yewwid awal ɣef Zerruqi Ɛellawa, dɣa deg ass amenzu mbaɛd awal n (le commissaire) n tfaska mass Med Ben baba yerra tajmilt i yelmezyen i yettekkan di temzizelt agi u yennad d asnerni i tmussni nnsen di ccna d tẓuri taqbaylit. Azal n sebɛa n lwilayat i yettekkan di temzizelt agi am Bgayet, Tizi uzzu, Bumerdas, B-buɛririǧ,; Lezzayer taɣelnawt, Tubirett d Ǧiǧel.
Deg w ass nni amezwaru tuɣall-as tejmilt i tgejdit n ccna tteqbaylit Dda Taleb Rabaḥ i wumi yettunefk warraz n leqdar d wessteɛref, id yennan deg wawal-is : « Nukni s inaẓuren nn zik ur nesɛi ara ttawilat neɣ tignatin am tigi, ncennu kan deg leqhawi nlemmed ɣer lecyux imeqranen, assa ilmezzyen tettunefkasen tegnitt iwakken ad ssnernin tamussni nsen di ccna d ttẓuri, sarameɣ asen afud igerrzen d tebɣest tameqrant i wid ara yttekkin di temzizelt agi. »
Imferrǧen ussan-d s ṭaqa i wakken ad zren acennay nnsen Muḥemmed Ɛellawa I ḥemmeln aṭas am yal tikkelt Ɛellawa yettekkes lxiq ɣef wulawen umeqran d umecṭuḥ,; yerra tazeqqa n wexxam n yedles Tawes Ɛemruc tetthuzzu s leɛyaḍ d ttyita ufus d tteɣratin. Mi tnesseqsa yennad :« Tanemirt i wid i yitabaɛen,ḥemlaɣten akken iyi ḥemlen. Timzizelt agi n tfaska dayen igerzen s waṭas,imi ilemẓyen ḥwaǧen wid ara tniɛiwnen, lḥemdu llah yella lǧil amaynut n ccna n teqbaylit, llan wid ireffden asafu id ǧǧan imeqranen uqbel nneɣ,; sarameɣ asen tabɣest igerzen. » Deg wass wis ssin tuɣal tejmilt i Nuwara susarag id iheyya Mass Muḥend Akli Salḥi, di temzizelt ttekkan dges tirebuyaɛ n Tizi-uzzu d Ǧiǧel, di tmeddit n wass Rabaḥ Asma yerra tajmilt i unaẓur Ait Lɛarbi Lhacmi. Deg wass wiss tlata asarag i lmend n unaẓur Si Muḥ id iheyya Mass A. Amezyan, di temzizelt ɛeddand tarbaɛt n Bgayet, tajmilt i unaẓur Xima Bacir rrantt « les Abranis », ssnnuba nnsen Nuwara, Mǧahed Ḥamid d Kamal Ḥemmadi wwin-d awal ɣef Zerruqi Ɛellawa. Amaynut tikkelta d « les ateliers » id yellan ɣef dema n warrac imezyanen iwumi semman « le coin du conteur » d « les ateliers » n tira d lmuziga i lmend n yelmeẓyen ittekkan di temzizelt i wakken ad issinen ad arun issefra d lmuziga n tezlatin nnsen i yiman nnsen, amaynut nniḍen d rreḥba n yemyuraren s ccna iwumi neqqar s teqbaylit asemɛebber anda ttekkinssin icennayen neɣ snat trebuyaɛ ttembadalen issefra d ccna.
Di taggara n tfaska ittuheyyad yiwen udefilé ara yebdun si temdint taqburt n Bgayet alamma d axxam n yedles Tawes Ɛemruc, iwakken ad ttekkin akw imezdaɣ n Bgayet. Rnu ɣef waya timeɣriwin id ittuheyyan di temnaḍin id berra n temdint n Bgayet am xerraṭa,Aqbu,Leqser…
Ad yettunefk warraz i tlata n trebuyaɛ ad yefrarin di temzizelt,d widak ar yettekkin deg tfaska taɣelnawt n ccna d tẓuri tamaziɣt ara d yillin di lwilaya n tamenɣast.
Djouher Chili