Imezdaɣ n taddart n La Crête-Rouge di tɣiwant n Leɛǧiba qublen taggara n lecɣal n usenfar n usiweḍ n lgaz ɣer yixxamen s yiwen n lferḥ d ameqran. Ɣef leḥsab n yisallen i aɣ-d-yewḍen, nnig n 500 n yixxamen i yesfaydan s ttawil- a. Lecɣal bdan yakan deg waggur n ɣuct yezrin, iwakken ad faken deg wussan-a iɛeddan. Wid yellan ɣef lmendad n usenfar-a, ssawḍen iwakken ad rzun ɣer yixxamen imeṛṛa iwakken ad tebten s tiwḍin n lgaz. Ma iwulem ad d-nesmekti, asenfar-a d win i yellan yetturaju nnig n sin n yiseggasen-aya, mi akken i d-yewweḍ ɣer taddart n Tamra yellan d tajaret n La Crête-Rouge. D acu kan, aṛeggem yeṭṭuqqet, almi ddren kan yimezdaɣ deg usirem. Maca, akken yeqqar yinzi, laẓ yeweɛduyen ur ineq ! Ɣer din dɣa i tewweḍ taluft, ata-n ass-a lgaz-nni yetturajun yewweḍ, d ayen ara yessisshlen tudert i yimdanen ladɣa deg tallit n tegrest anda taqerɛet n lgaz tettuɣal di lqifar, imi drus n tḥuna i yesnuzun aya di temnaḍt-a.
S. M.