Asedrem n yixxamen yettwabnan mebla ttriḥ d win yebdan deg temdint n Tizi wezzu ddurt yezrin anida tettwahud yiwet n lḥara tameqrant deg unnar Amellal tama n unẓul n temdint. Ad d-nesmekti belli axxam-a d win i izemren ad d-yawi lemḍerra tameqrant i yimezdaɣ. D ayen yeǧǧan axxam n creɛ igzem-itt di rray ɣef lhedd n uxxam-a di 27 yunyu 2011. Si tama nniḍen, yella-d usedrem n yiwen uɣalad d trekkabin i yettwabnan gar snat n tnezduɣin deg Tala Allam. Aya, issebgen-d dakken lebni berra i lqanun yegget di twilayt-a, d waṭas n temnaḍin –is yecban Draɛ Ben Xedda anda ara d-yili usedrem usedrem deg Mahmoudi d Cceɛba. Imezdaɣ, si tama-nsen, bedden mgal rray-a, ur ǧǧin ara timacinin ad xedment. Ma d imḍebbren, ur bɣin ara ad ssiwḍen taluft ɣer yiɣil, maca rray i ṭṭfen d win ara yeddun deg unnar s usexdem n uskasi. Imi, ɣef leḥsab-nsen, aṭas n yimdanen i yetɛeddan tilas.
Ɣef leḥsab n yisallen i d-newwi, nnig n 20 000 n tnezduɣin i yettwabnan berra i lqanun di twilayt-a.
Dalila I.