“Aneṣṣeb n tmaziɣt di tmendawt n tmurt d ayen ara d-yeglun s tifrat i waṭas n wuguren ideg tettidir tmaziɣt ass-a ladɣa di taɣult n uselmed. Ma tettuneṣṣeb tmaziɣt, labud ad d-ḍefren yisuḍaf-nniḍen ara tt-iṛessin di tmetti, ara iḥettmen aselmed-is di yakk iɣerbazen n tmurt. Rnu ɣef waya, aneṣṣeb n tmaziɣt yezmer ad yili d tagnit i ara ireglen abrid i wid i d-yettarran yal tikkelt tuttra-nni ur nesɛi lmeɛna : S wacu ara tt-naru ?! S wakka tamaziɣt ad tesɛu tira-s tunṣibt i ara yezdin meṛṛa wid yettarun yes-s. Ma tuɣal tmaziɣt d tunṣibt d ayen ara yesɛejlen talalit n tkadimit taɣelnawt i ara d-ijemɛen meṛṛa imusnawen n tmaziɣt. Takadimit n tmaziɣt, d ayen ara s-yefken afud ama i uselmed-is d usemres-is di tmetti ama di tewnaḍt, di tɣamsa neɣ di tedbelt”.
Yugem-d awalen Mokrane.C