Accueil Tamazight “Wekkelɣ-as Rebbi i ccix n lǧameɛ!”

Ulac mmaḥ, ulac

“Wekkelɣ-as Rebbi i ccix n lǧameɛ!”

1544

Dayen, uɣalen les adultes ar wučči ɛeynani, deg uzal qaylal. Ass-nni n lǧemɛa n ruḥ ɣer yaya ad nɛegged. Ih, d yemma i d iyi-d-yesfehmen d acu-t uɛegged. Tenna-k belli mara i fak Remdan d tameɣra. Ruḥ, tura keč fhem les adultes-agi. D’une part qqaren-ak belli ferḥen aṭas aṭas mara d-yelḥeq waggur n remḍan, sakin ad k-dinin belli ferḥen aṭas aṭas mara ifak. Maiis anef-asen, mačči d yiwet n la contradiction !

Ass-nni n lɛid, nek de gma Muṭṭiḍ nelsA iceṭṭiḍen ijdiden. Yemma trouve belli necbeḥ am “yefrax”. Tezga, teqqar-aɣ-d : “ḥadret, tixret i uqebbaṛ, ur semsaxet ara iman-nwen !”. Jamais ad tefhem yemma belli lferḥ-iw nek mačči d remḍan, mačči d iceṭṭiḍen ijdiden, mačči d lɛid n les adultes… Lferḥ-iw d amrireɣ deg uɣebbar, d cikkula alama teffeɣ-iyi-d seg umeẓẓuɣ, d Disey junior alamma yuli yiṭij… Ayen akk ḥemleɣ, ur t-teḥmil ara.

Azekka-nni, n lɛid yexreb lmux n baba. Yettmeslay d yaya, ur frizeɣ ara d acu d-yeqqar. Akken yessusem, tenṭeɣ-d yaya : “d acu-ten lewḥuc-agi!! I yimeɣban-agi d acu i xedmen? Wekkelɣ-awen rebbi deg laɛwacer-a. Wekkellɣ-as Rebbi i ccix n lǧamaɛ yeggugmen….” Truḥ kan akken d reffu. Nek ur fhimeɣ ara d acu i idran almi sliɣ i jeddi yettmeslay ɣef ḥdac n yilmeẓyen yettwanɣan. Dɣa mekkneɣ tameẓẓuɣt-iw à gauche et à droite bac ad fehmeɣ ugar.

Fehmeɣ belli d les champions n tẓalit d remḍan i yenɣan ilmeẓyen-nni. Nɣan-ten axaṭar ḥemlen rebbi.
Yaya daɣen tḥemmel Rebbi , maɛna tḥemmel medden akk. Ɛni mačči yiwen urebbit i yellan ? Deg acḥal yid-sen ? Anwa deg-sen i iḥemlen ccikula d wurar deg uɣebbar ? Anwa deg-sen d-ixelqen anisati n teḥḍiri?
Anwa deg-sen d-ixelqen waɣzen ?
Anwa i d iyi-d-ixelqen ?

SOA
[email protected]