Azal n 12 twaculin di zberbura di tɣiwant lexḍariya i d –yezgan di lwilaya n tubiret ,Ttidirent di tegnatin qessiḥen acku ur sԑin ara allalen n tudert deg yal taɣult ,anda ixxamen n twaculin –agi d iqdimen bɣan ad aɣlin rnu ɣef waya imezdaɣ n taddart-a akken i d-wekden nḥafen s waṭas yal ass tettnerni liḥala nsen , ladɣa deg ussan n tegrest lehwa tkečem s ixxamen nsen akk d usemmiḍ ɣef warrac imecṭaḥ, rnu ɣer wannect-a rwaḥ n trisiti si lweqt ɣer wayeḍ ,d annect-a i yeǧǧan imezdaɣ n taddart-a ad d-sbegnen lɣiḍ nsen i ttidirin, ɣef waya gren tiɣri i yimḍebren n tɣiwant akked imḍebren n usqamu n lwilaya ad d-rren lwelha nsen ɣer taddart-a s tirziwin ara d-xedmen iwakken ad ẓren uguren ideg ttidiren akked d tifrat s lԑejlan.
Menas Abdelhak