Ad d-tili ussan-a ṛṛeḥba n wedlis agraɣlan di Lezzayer tamanaɣt. Tikkelt-a waqila ad yekki wedlis amaziɣ s ttaqa. Ma drus, 15 n wungalen imaynuten ara yilin di ṛṛeḥba n useggas-a. D ayen yessefraḥen, d ayen irunnun ljehd i tutlayt d yidles amaziɣ. Lukan ad ttkemmel akka, ini-as ifuk Rebbi lḥif ! Kra n yiseggasen ar sdat, yezmer ad aɣ-d-isaḥ “Nobel” neɣ “Goncourt”.
Maɛna, imi mačči d aṭas i d-yettwawin, d ayen imeɛnen i yessawaḍen , akken s-yenna win, “ur walaɣ izi yeẓẓel taweṭṭuft tedda d tislit”.
Akken kan tebda tecrurud tsekla taqbaylit s yal ssenf, nenna-yas, ɣas yella lixsaṣ wicqa, imi lixṣas-nni d “passage obligé” . Di tazwara-nni, aru kan. qlilit widen yesnen d acu-ten lessnaf n tsekla. Ungal yuɣal d tullist, tullist d tamacahut, tamacahut d tamedyazt… Lḥasun terwi. Rnu, win yekkren ad as-yini ad ruḥeɣ ad aruɣ . Ad tafeḍ ur yeɣri ara sin n yidlesen di ddunit-is, yenna-as ad uɣaleg d “écrivain”. Ar Ass-a, ɣas ulamma syin ar din, ad d-ilal wayen imeɛnen, mazal-it wedlis aqbayli deg la “médiocrité”. Acimi akka ? Bezzaf i i iḍul le “passage obligé”.
D lawan akken yal yiwen ad yisin tafellaḥt-is. “Basta !” Tluɣ liḥala ! Ayen i neɣra seg ungalen imaynut ur yessefraḥ ara. D tina i wumi yeqqar Mohia, “ḥmleɣ-tt, tḥmmel-iyi, baba-s yugi ad iyi-tt-yefk, dɣa ruḥeɣ swiɣ un coup”. Ulac sser, ulac la “subversion” , ulac… tasekla. Ass-nni deg yiwet n temlilit, ineṭeq-d yiwen “écrivain», yennad: “Aqli suqquleɣ ungal n Camus (yenna-d kmus) Jour de Kabylie” . Mačči d tita, maɛna ilaq ad neṣu anwa wigi yettarun.
Acimi qwan aseggas-a yedlisen, i wumi ttarun , wid ten-yuran ? Aṭas deg-sen uran-ten iwarraz ara d-isaḥen adlis amazigh di rreḥba n useggas-a, ur ten-uran ara i tsekla ! Deg iseggasen-nni ideg tella tmaziɣt d tufirt, asmi akken ttaran ɣer leḥbas s kra n win akked d tin yennan nek d amaziɣ, yella wayen yuran. Ɣas ulama drus, yemɛen, yečcûr d sser.
Ass-a imi tiwwura ldint, i tira xersum, aru kan. Ilaq ad d-gren iman-nsen isdawanen akked tezrigin. Ad tixren i “ tout le monde est bon, tout le monde est gentil”. Ayen yelhan ad d-inin yelha, ayen n dir, ur t-qebbelen ara, ad d-inin diri-t ! Neɣ ma tkemmel akka “adieu la culture adieu l’agriculture !”
T.Ould Amar