Deg yiwen n wulɣu i d-tessufeɣ tkebbanit TQ5 Media, ddan-d yisallen imaynuten i yerzan asenfar n tiliẓri taqbaylit i d-sbedden kra n Yizwawen deg tmurt n Kanada. Ayen i d-ijebbden din tazwara awellih d beddu n usenɛet n wahilen i d-ibanen ad yili ass n 12 yennayer 2018 ɣef 10:00, ɣef wakken i d-yenna wulɣu. Ugar n waya, rsent-d kra n telɣa ɣef wayen yeɛnan ladɣa tiɣin n ugensa (satellite), aheggi n wallalen n uqeddic, d usbedd n trebbuyaɛ ara yilin i lmend n uselḥu n tiliẓri-a. Imi dɣa agensa, yettwastenya dayen ugatu akked umessis-ines (fournisseur). Ula d awal ɣef wayen i d-yellan d aḥerrek n udellel i tiliẓri, yettwawi-d, gar-asen ad d-nesmekti timrawin n yisaragen i d-iga di Tmurt ussan iɛeddan umasay n teywalt deg tkebbanit-a Mass Racid At Ɛli Uqasi. Asuddes n yigalaten n ccna deg Muryal tikkelt iɛeddan d Fransa iḍelli 29 ṭuber. Rnu ɣer-s aɛeddi deg tiliẓriwin d rradyuwat yemgaraden, abeɛda di Tmurt n Fransa.
M. K.