Taggara n yimalas yezrin, taddart n Ahnid i yellan deg Tubiret, tessenhez-itt yiwet n tedyant n uṭerḍeq n lbumba ɣef yiwen n yilemẓi yellan yettmerriḥ kra n wakud uqbel ad yedden lmeɣreb. Ilemẓi-agi, iteddun rrif n ubrid, ur yerri ara ddehn-is belli yella kra yefren ddaw wakal. Ur d-yerri ara s lexbar almi i tt-yukel teṭṭerḍeq fell-as. Din din, lexbar yuɣ taddart, usan-d akk yimezdaɣ ɣur-s i wakken ad t-id-ssukksen seg lmeḥna ideg yella. Mi yewweḍ ɣer sbiṭar, iban d akken d aḍar-is i yettwagezmen, meɛna yemneɛ seg lmut. Akka tura, imi leɛwayed n temnaḍt-a bnant ɣef tdukkli d uɛiwen, bedden yimezdaɣ n Ahnif imerra ɣer twacult n yilemẓi-a iwumi llan di lmendad i wakken ad ad-d-swejden ayen iwulmen i wakken ad ibedd. Ad d-nesmekti belli tamnaḍt-a n Ahnif, yettwasnen s tegzi-ines yezḍen, yeččuren d lkazmat, tella d amkan anda ggten yirebraben. Am wakken i tella tezdi gar Tubiret, Bordj Bou Arreridj d M’sila, d ayen i asen-yessasehlen tikli d trewla yal mi ara faqen s yiserdasen ttnadin fell-asen.
M. Smail