Mebɛed mi yetturaǧu ad tessali ass-nni n lexmis 15 unbir 2018, tallit n ujerred n yinelmaden ɣer yikayaden n taggara n ulmud (BAC, BEM d 5e), tesseɣzef-itt, ihi, Tneɣlaft n usegmi aɣelnaw Massa Nouria Benghabrit, i d- yuran yiwen wulɣu deg tansa (le site) n tneɣlaft-is. Ad naf terna ddurt-nniḍen i tallit n ujerred, yeddan si 15 tuber alammi d 15 unbir, acu kan ad ikemmel ujerred-agi alamma d ass n lexmis 22 unbir 2018. Ad d-nesmekti kan belli leğrida n yikayaden unṣiben n taggara n useggas-agi aɣurbiz 2018/2019, ad mseḍfaren akka: Ad d-yezwir ukayad n taggara n uswir amenzu 5e, i yetturaǧun ad d-yili ass n larebɛa 29 deg waggur n maggu (29-05-2019). Tin ɣur-s, d win n taggara n uswir n ulmud alemmas, yettwassnen s yisem n BEM, ad d-yili seg wass n lḥed 09 alamma d ass n ttlata 11 seg waggur yunyu (09, 10 d 11/05/2019). Ma d akayad n taggara n uswir n tesnawit neɣ ayen iwumi qqaren BAC, yetturaǧu ad d-yili d aneggaru, seg wass lḥed 16 yunyu ala!ma d ass lexmis 20 deg waggur n yunyu (16, 17, 18, 19 d 20/06/2019).
Adaoun Abdelghani