Taggara n ddurt-agi ideg nella, ad tili tegnit n teḍsa d unecraḥ n yimezdaɣ n lwilaya n Tizi Uzzu. Ad yili wannect-a, di Tfaska n teḍsa i d-thegga Tenmehla n yidles n lwilaya n Tizi Uzzu. Ad yeddu leqdic-agi ɣef teɣzi n tlata wuḍan, imi ad yebdu lexmis-agi sdat-nneɣ, ad ifak seldazkka-in n ssebt.
D amḍiq Mebarek Ait Menguellete n temdint n Tizi Uzzu, ara d-yesdurin leqdic-agi. 6 n yisuhar (spectacles) ara yilin deg wahil n temlilit-a, yal tameddit n wass, ad ḍrun sin. I wass n lexmis, 22 ɣuct 2019, ɣef 19h00 n tmeddit d tasawent, ad yili usiher n useḥḥar sɣur Ben Hamou Hocine syin akkin d asihar n teḍsa sɣur yimseḍsi Hakim phénomène. Ma d azekka-in n lǧemɛa, ad ilin sin yisuhar-agi, amenzu d win umseḍsi (clown) Kouki d Kimous sɣur Brahim akked Mohammed. Wis sin, ad yili deffir-s kan sɣur umseḍsi Hocine Ouarab.
Ad tessali tfaska-agi s sin n yisuhar-a n teḍsa. Amezwaru d win n umseḍsi Kounou et Foufou sɣur Brahordine akked Farida, ma d wis sin sɣur umḍseḍsi Ben Kasi Amar. Ɣer taggara, ad d-nesmekti kan belli, mačči d tikkelt tamezwarut ara d-theggi Tenmehla n yidles n Tizi Uzzu tafaska n teḍsa, imi i tt-id-suddes deg yiseggasen iɛeddan.
A. A.