« Lunis Ait Menguellet : awal atrar, tidmi tamirant » d ulɣu i d- tefran tadukkli tadelsent Yusef U Qasi i tadwilt tis tẓa ( tesɛa) n ussan n tmedyazt « Yusef U Qasi d Si Moḥand U Mḥand » ara yuɣalen d tajmilit i Lunis Ait Mengullet si 17 ar 22 Yulyu di Timizart Nat Jennad.
Ayen ulɣu agi ? Yenna Mass Ɛarqub Ɛabdela s yisem d aselway n tidukkla : « seg ass amezwaru deg nebda deg ussudes n ussan n tmedyzat di tadwilt-is tamezwarut i d-yellan deg ussegas n 2003 nekni aseḥbiber –nneɣ d amek ara nesali iswir n tesekla taqbayli t s udmawen –is meṛṛa ama deg ayen iccuden ɣer tmedyazt neɣ tira ɣezzifen. Mebɣir cekk Lunis Ait Mnegullety seg wid yesulin tamedyazt-neɣ ɣer yiwen yiswir aɛlayen aṭas aṭas » . Ma d Mas Nuredin si tama-s s yisem-is d imneddeh n tfeska yenna : « ulɣu- agi weḥdes kan yeseggzel tidmi n tfeska -nneɣ,acku Lunis d azamul n tineflit n tsekla taqbaylit-is, ifyar-is ɛabben tudert n Leqbayel, maca ur qqimen ara kan din imi ḥuzzen diɣ amdan di yal tama n ddunit. Tizemnit yellan deg isefra n Lunis, d tizemnit n tama n yal tama, n umḍiq n yal amḍiq am akken it id yenna Mulud Mammeri s timad—is”
Acu n wahil ara -yilin di tajmilt-agi d tesewjed tidukkla i lmend n Lunis Ait menguellet? Yezmumzeg Ɛabdela yenna: “ aya at neǧǧ kan ar wassen deg ara d- tili tulya tunṣibt n wussan n tmedyaz, amur ameqran n wahil yezzi ɣef ssin iferdisen “ tayri” akked “tagmet», imi Lunis kra yexdem, ixedm-it s lmun akked d tayri, i lxir n tagmet. “ Ma d Nuredin yenna: “ cek-iw akken ad tuɣal tajmilit i unaẓur yecban Lunis , ilaq kra ara yettwaheggin ad yilli s tẓuri. Ilaq imedyazen ad mmlilen d tmedyazt, at wawal ad zizlen awal id yugmen seg adif n lhu akked tayri.Mebɣir cekk deg ubrid-agi kan ara teɛqel tasekla imawlen-is, s wudem-agi kan ara s nneg azal i tẓuri am akken tuklal;”
Anti tamiwin id yefkan affus n tallet i wakken ad tili tamlilit-agi ger imedyazen d imawlen n tẓuri? Yenna Ɛerqub: “am yal tikelt ussan-agi ad illin ddew leɛnaya n tneɣlaft n yildes, d talelt n H.C.A, tanmehla n yidles n Tizi Wezzu, am akken diɣ ilaq at- id nnini, taɣiwant n Timizart s demma n Mas Jouadi Lunes, tettiki deg uheggi n wussan-agi, melba ma nettu tadukli iseɣ n Souamaɛ, mas Buxtuc aselway n tɣiwant n Souamaɛ, imdukkel nneɣ n Numidya si Wahran. Ihi ad snimreɣ yal win id yefkan affus akken tajmilit i Lunis ad tuɣal d tajmilit i yidles s umata , i tẓuri, i tesekla.” Ma d Nuredin yerna-d ɣef awal-a:” ur nettuy-ara diɣ ilmeẓyen id aɣ-yettɛawanen, melba nitini leqdic amagi ur d yettili ara.Am akken diɣ ara snubgeɣ kra n win ara d yerzun ɣer ussan-agi n tmedyazt, acku yisen kan ara yeǧǧujeg yidles-nneɣ. Ur nettfak-ara ameslay ɣef yidles melba ma nudred ifyar agi n Lunis:
Ma yeččur-d wul-ik
Lldi-as tawwurt
S yimi d lexyuḍ-ik
Thuzzeḍ tamurt
Skud igenni yeḥwaǧ yakk itran
Akken akk lɣaci
I ḥwaǧen afennan
Ait Slimane Hamid