Ayen i ilaqen
-kra n yimursuyen n weksum n uɣenmi.
– tibselt talemmast yezḍen.
– Lmeɛdnus, lemleḥ, ifelfel aberkan, lkemmun.
– Taṭumaṭict .
– Cwiṭ n wudi d cwiṭ n zzit.
– Kilu n lbaṭaṭa i iqecren, i ikerḍen daxel.
-150 g n weksum yezḍen.
– 2neɣ3 n tḥebbuyin n ticcert.
-Tamellalt, lkemca n lḥemmes d tɣenjayt n ṭumaṭic n tewwaṭ.
Aheggi
Ad ner ar daxel n tmermiṭ : zzit, udi, imursuyen n weksum, tibselt yezḍen, lmeɛdnus, lemleḥ akked d ifelfel aberkan.Ad ten-neǧ ad qlun ɣef tmest ḥlawen, sakin ad asen-nernu taṭumaṭict yezḍen d tɣenjayt n ṭumaṭic n tewwaṭ. Ad ten-ɣum s waman u ad asen-nernu lḥemmes. Ad ten-neǧ ad wwen. Si tama nniḍen, ad nexleḍ: aksum yezḍen, lemleḥ, ifelfel aberkan, ticcert yezḍen, tubbya n lkemmun, lmeɛdnus, cwiṭ n wudi. Ad ten-nejmeɛ s tmellalt u ad neččar yes-s tiḥebbuyin n lbaṭaṭa. Sakin, mi yewwa weksum-nni ad t-id-nekkes, ad ner lbaṭaṭa ad teww daxel n useqqi-nni ɣef tmest ḥlawen. Mi tewwa (ad yuzur ama acemma useqqi), ad as-nezuzer cwiṭ n lmeɛdnus u ad t-id-nessers akked d yimursuyen n weksum.
S-ɣur Noura