At Ɛlawa, yiwet gar tuddar n tɣiwant At Budrar yekkin deg wasun (daira) At Yenni. Taddart-a teqqim bla aɣerbaz, iwumi ? Aqerru n usqamu n taddart n At Ɛlawa, Hamid yenna “yiwen ur d-inuda, ur d-yesteqsa fell-aneɣ. Aɣerbaz-nneɣ,; asmi i d-ruḥen ad awin ṭṭwabel d yikersiyen usan-d yijadarmiyen d lεesker. Γer ddula, ṭṭabla tif amdan akka i d ddula nneɣ.”
S tidet, lakul n taddart At Ɛlawa mazal-it akken, ɣef tfelwit mazal deg-s later n rebrab hata wayen mazal ar ass-a : (Al mawḍuε = al irhab, Al ddars = Al qital). Aya yettwaru deg yiwet n tfelwit neɣ tin kan i d-yeqqimen wama tiyaḍ wwin-tent yirebraben akked d tewwura ɣer yiwen n umkan ur yebεid ara aṭas ɣef At Ɛlawa, yezga-d deg udrar, isem-is agni n lehwa din i llan lɣiran n yiɣerdayen-a nat yiččumar wid i yesεeddan lbaṭel ɣef yimezdaɣ.
Ass-a, imezdaɣ n taddart At Ɛlawa yuɣal iten-id rruḥ,; imi abrid ɣur-sen yettwaxdem ggudrunin-t, aman sεan, trisiti sεan, ixxus-iten kan lakul akked d tzeqqa i usujji.
Nruḥ deg udfel yezrin nẓur-d At Alawa, ula d aselway n tɣiwant akked yiwen yimḍebber n tɣiwant usan-n, mmeslayen zdat uqerru n taddart, nnan akken ayen rregmen ṭṭfen deg wawalen-nsen, ma yella wayen bɣan yimezdaɣ n At Ɛlawa, taɣiwant ad ten-tεiwen.
Ugur ameqran i mazal d aɣerbaz acku xas ǧǧant yirebraben, yuɣal tura d addaynin i yiwen n umezdaɣ n taddart-nniḍen. Ar melmi ara d-tedlu tenmehla n usegmi (la direction de l’éducation), neɣ taɣiwant ad terr aɣerbaz-a i yilmeẓyen n At Ɛlawa ur nesεi acemma i usεeddi n lweqt..
Di taggara taddart At Ɛlawa d taddart tanesbaɣurt i tmerrit, tesεa aṭas n ḥeblemluk, d taddart i icebḥen aṭas, akken i teffer ɣef tiṭ,; i yeffer zzin-is.
M.A.B.