Yemmekta-d belli yella yiwen yeznuzu ifrax cebêen aîas !
Azekka-nni, iruê $er temdint, yu$-d baba$ayu. D zzher-is. Yewwi-t-id yiwen seg Fransa. Yeb$a ad t-yezzenz, acku ulac win ara ibedden $ur-s, netta ad yu$al $er Paris. Msemlalen $er tewwurt n têanut n Äaur Ulehna! Msefhamen, yezzenz-as-t-id. Agviv yecbeê dayen kan yerna yettmeslay. Kra n win t-iwalan, yewhem deg-s. Ccix n loameâ, yenna belli d leêram ad yesâu umdan afrux yettmeslayen. D yir lfal. D yiwen gar isekniyen[1] n nnger n ddunit ! Tim$arin, ttakent lweâdat deg lemqam. Ma d Äezda, amusnaw n taddart, yeqqar-asen :
– Awwah ! Wagi d winna akken i wumi semman “aperuki”. Zi$ d tidet ay d-qqaren. Amek yemmug ! D leâoeb, yerna yessen ula d taârabt ! “D lmuâoiza”! Ufi$-t deg yiwen n udlis akk-nni ; aîas i d-yemmeslay fell-as. Yella ula deg tallit-nni n Qurayc, ih !
Ma d Äli n Baâgu, yettecmumuê kan, yeqqar deg wul-is :
– Ad tenger yemmat-wen ma d kunwi i d irgazen!
Ass n tme$ra, iruh Äli, yewwi afrux-nni daxel n tqervilt, yeîîef abrid-is $er uxxam n tme$ra. Mi yewwev, yefka-t i Lêusin Ubaâli. Winna yefreê yes-s aîas. Yaâoeb-as d ayen kan ugviv-nni. Yenna-as i Äli :
– Tanemmirt tamqqrant a Äli a gma. Amek i s-qqaren i ufrux-agi ?
– Wagi d aperuki. Yerna, yusa-d akkin i lebêer. Xelse$-t $lay; azal n tfunast d mmi-s!
– Ferêe$ aîas, aîas, ugar n wannect-agi akk n lxir i yi-d-ikecmen. Zi$ d wagi i d aperuki !
àçan imensi akken. Yessers Lêusin taqervilt-nni deg uxxam n wuççi. Kra n umeârav d-ikecmen iwala-tt. Mi ara t-steqsayen, d acu-tt, yeqqar-asen Lêusin :
– Tagi d tarzeft n Äli n Baâgu, ad as-ibarek Rebbi aîas. Wellah uroin ad ttu$ lxir-is ! Segmi lli$ d ameééyan i ssarame$ ad sâu$ aperuki. Lli$ ur ssine$ ara d acu-t. D baba i yi-d-iêekkun fell-as asmi iruê $er lgirra n Lalman tamezwarut ; yedda d aserdas $er Fransa. Seg yimir-nni, nek ttargu$-t. A-t-a-n ass-a yewwi-yi-t-id Äli n Baâgu! Targit-iw teffe$ $er tilawt !
Kra yekka wass, Lêusin ibedd $er Äli ugar n medden-niven. Wehmen l$aci, maca di$en usmen maççi d kra ; qqaren-as :
– Amek akka nekni lxir-nne$ ur d as-yeççur ara tiî akken i s-tt-yeççur ufrux-inna ?
Yettkemmil
Djamal Arezki