Aṭas n temnaṭin di tmurt n Lezzayer, anda seksu uderyis yuɣ amḍiq deg lεadat. Wagar-asent llant tudrin n tɣiwant Ifnayen. Ass n lexmis azri, tidukla Itri Afnay, n taddart Tawrirt yellan di tɣiwant Ifnayen, tesuddes-d yiwet tmeɣra anda i d-theyya aṭas n lecɣal. Gar leqdicat i d-theyya tdukla tella yiwet n tmeskant i d-yellan deg yiwen ubraḥ. Teɛna anagar amaynut deg usiẓreg n tektabin. Ffɣen i tmeskaniyin n ufsar n wallalen iqdimen (aqerdac, tabarda,…). Γer luğuh n 14mr30, yella-d yiwen usarag i d-yefka uselway n tɣiwant, ɣef tikli i d-yelḥa yidles deg temnaṭ Ifnayen. Syin d afella yella-d yiwen carnaval, i wumi semman amɣar uceqquf, i d-tesuli terbaɛt umezgun n Iɣil Uṭewaf, n tɣiwant Timezrit. S teɣzi n tmeddit, arrac n terbaɛt-a suturen ɣer tewwura yexxamen, cwiṭ n tziḍanin. Akken ladɣa i tella deg lɛada n zik s Buɛfif. Ma d taggara n leqdic yekfa s seksu uderyis, i dheyyan imezdaɣ n taddart Taweiet. Da yuɣal-d umur i tulawin akken a d-fken afus i tmaɣra. Lferḥ ameqqran n leqdic-a, mačči d seksu. Akken i aɣ-t-id-isefhem usalway n tdukla, Adidu Nabil: «Seksu nga-t-id d sebba, wama iswi d win n tdukli n tudrin-nneɣ. » Ma d Ɛdidu Nabil, aselway n tdukla Itri Afnay, yenna-k : « Iswi n tmeɣra akken walaɣ newweḍ lmerɣub-nneɣ. Imezdaɣ d tirni ferḥen. Atan bdan ttheyyin-d lluziɛa ara d-yilin akka d asawen. Zemreɣ ad d-iniɣ s leqdic-a, temlal tasa d way d-turew. »
Ait Ighil Mohand