Iɛedda useggas segmi yeɣleq uxxam n yizerfan n umdan (Centre d’information et de Documentation en Droits de l’homme – CDDH) tiwwura-ines mi yekfa leɛqed d l’Ambassade de Hollande. Aseggas-a, LADDH tuzzel almi tufa amɛiwen iwakken ad d-yuɣal ɣer umahil uxxam-a n Bgayet. Dɣa, CDDH ad iɛiwed ad yeldi tiwwura-ines ass-a, letnayen 25 deg mayu 2009 imi l’ONG taṭelyanit CISP tefka-d afus i LADDH iwakken ad yelḥu uxxam-a n yizerfan n umdan seg wass-a alama ɛeddan 3 n yisseggassen.
Rnu ɣef waya, yenna-d Mass Saïd Salhi, aselway n yizerfan n umdan n lwilaya n Bgayet : La LADDH testenya leɛqed akked tesdawit n Lyon n tmurt n Franṣa. Ma yella d iṭelyaniyen n CISP, ad d-asen ass-a iwakken ad ḥeḍren i tuɣalin n uxxam CDDH. Dacu kan, amkan ibeddel si lḥumma iwmi qqaren le Quartier Sɣir ɣer lḥumma Aouchiche Forum de l’Université n Tazeboujt. Iwakken ad ɛelmen wid yebɣan ad kecmen ɣur uxxam-a n yizerfan n umdan, aselway-is d Mass Dalil Saïche, aneɣmas n La Dépêche de Kabylie di Bgayet.
Amastan.