Yessebded lwali tasqamut i useḥbiber ɣef tẓegwa i d-yezgan deg twilayt n Bgayet. Kkin deg tesqamut-a aṭas n tmehliwin gar-asent : tanmehla n tẓegwa n Bgayet, ssrabes n laman (ama d les pompiers ama d la police), ssrabes n tfellaḥt, ssrabes n tɣiwanin, atg.
Γef wazal n tesqamut, yenna-d Abdellah, capitaine deg ssrabes n laman : “Times ur tenfufud ara ma llan ttawilat ilaqen i teswiɛt-nni tamezwarut ma tecɛel tmes. Meɛna i wakken ad nili deg umkan ilaq ad aɣ-d-yaweḍ lexber. Akka, s tesqamut-a, ad nili deg umkan imi mačči ala nekni les pompiers ara yilin deg unnar.”
I usmekti, ulac aseggas ur tečči tmes azal 2900 ihegtaren deg lwilaya n Bgayet. Deg 2007, 2974 ha seg tiẓgi n Ukeffadu iman-is. Ilindi, 2 719 ha, meɛna ula d isekla n lfakiya ur tent-tezgil ara. Aya, yeskan-d mačči kan d ssrabes n lḥukuma ara yeskelfen deg tedyant-a n uḥareb ɣef tmes, yewwi-d ɣef yal amdan ad yesɛu cɛit n leqder i twennaḍt akken ad nsebɛed fell-aɣ tiwuɣa am ti.
D. I.