El-AdjibaSsuq deg ubrid aɣelnaw wis 5 Akken kan ara d-yeffeɣ umsebrid i faruq n yiberdan di Buɛic, ad d-yerr tama n Leɛǧiba, ad d-imager acḥal n yilemẓiyen, wa ɣer tama n wa, snuzuyen lfakya n lawan-agi. D tiquftin n ḥeb lemluk, lxux, abakur… i d-sennan imsenza-agi. Isufar-agi n wučči ttaɣen-ten yemdanen mebla ma gren tamawt i wayen i as-yezmer ad d-glun d lemḍerra i tezmert-nsen. Amek ihi, ayen ara yersen i yiṭij, aɣebbar d wabbu n yikamyunen ad yemmečč melba ma yessegra-d taxessart. D tidet, ilmeẓyen-agi, lukan ufin axeddim anda-nniḍen ma ad qeblen aya, maca d yir liḥala i ten-yeǧǧan ad ɛefsen ɣef wulawen-nsen, ad xedmen aya. Rnu, tiwaɣiwin i izemren ad ḍrunt mi ara ḥebsen yimsebriden deg ubrid aɣelnaw yettwasnen s lketra n tkeryas d yikamyunen.
M. Smail