Yerwa Rezqi Dezdeg timeccacin n tefriqt, yennejmaɛ-d ɣer At Rgad. Lexmis tasebḥit isub ar Tizi Wezzu netta d Sadiya n l’euro ad d-aɣen snat n tgaṭutin d ijeǧǧigen ad kecmen axxam n tmigrit. Kaci l’angoisse daɣen isub ar Tizi Wezzu. Netta yerra s aḥeffaf d lḥemmam : opération beaugossité ! ilaq ad iḥennek. Ur ikeččem ara akken ad d-yetter Ǧamila. Twessa-t Sadiya n l’euro. Tansisiti surtout ɣef tuɣmas-is : « ur tettu ara dentifrice ! rkant tuɣmas-ik si cemma n nɣid. Ad taɣeḍ awal-iw ẓer dentiste ! ».
Γas akken ass-nni d ass n Kaci, « une journée spéciale », akken i as-qqaren s teqbaltit-nni-nneɣ nniḍen, ur teksan ara Sadiya n l’euro, terẓa aqerru n Dezdeg ɣef temsalt n week end universel :
– Safik a Rezqi ad nuɣal ad nettẓalla ass n ssebt !?
– Ad nuɣal!!! Si milmi i tettẓallaḍ a Sadiya ?
– Ḥbes din ! Ur d-sekcam ara iman-ik gar-i d Rebbi !
– Jamais walaɣ-kem tettẓallaḍ,; daya !
– Et jamais ad iyi-twaliḍ ! D Rebbi ad iyi-walin.
– Ihuh, tettfelsifeḍ a Sadiya !
En fait, Sadiya jamais teẓẓul. Teṭṭuẓum, tettẓurru taqubet n ccix Mohand Argadi, tettak cwiṭ n l’euro di tɛacurt… tettamen s Rebbi. D’ailleurs, tezga tettmeslay-as, ladɣa mi ara tt-taɣ di tferka n umalu tleqqeḍ azemmur.
Uɣen-d tigaṭutin d tjeǧǧigin, rran ɣer l’arrét n At Rgad. Afen-n din Kaci l’angoisse iqeddeḥ i yiṭij n Tizi Wezzu. Almi i iwwḍen ɣer-s i t-ɛeqlen. I ixeddem uḥeffaf d lḥemmam ! Ur teṭṭif ara iman-is Sadiya : teslalew s lqed uqerru-s. Lbacir ifuk lakul, Yidir JSK, Duktur d warrac-nniḍen n At Rgad tuɣ-iten ula d nutni di l’arrét n lbis. Zzin, dɣa, i Kaci, rran l’arrét d abṭeḥḍaḥ n yiḍebbalen. Dindin, taɣect : “abrid, abrid n ukerrus d isennanen, ad tt-id-nawi i Kaci s yiḍebbalen… !”
Pendant que i yekker uɣebbar di l’arrét, terra Sadiya ɣer yiwen n gargotier, tewwi-d cwiṭ n lemleḥ,; tuɣal-d ɣer Kaci ad as-t-nnḍen: “ta necfa, ta nedwa, ta d fell-ak yebɛed Rebbi lebla !”.
Ataya yewweḍ-d lbis n At Rgad. mmyeḥnacen akk daxel-is, ddimarin ɣer taddart sur fond de “abrid abrid n ukerrus d ijeǧǧigen, ad tt-id-nawi i Kaci ɣef yiɛewdiwen…!”
T. Ouldamar