Akken kan d-uɣalen yiminigen n SG1 seg tuber 88, afen-d yekker wah ruḥu di taddart. Anda teddiḍ d ameslay ɣef userbeḥ n JSK i Echourouk. Ilmeẓyen n At Rgad akken ma llan tuqaɛ deg-sen tmellalt. Lbacir ifuk lakul est le plus touché. Ileḥḥu, yeqqar-as : « A tin i d aɣ-yexdem Hanachi ! »
Akken kan tɛedda l’onde de choc, mlalen at taddart deg ubṭeḥḍaḥ n lamiri. Qaqi afḍis i yemmeslayen d amezwaru : « plus jamais ad ruḥeɣ ad nezheɣ i JSK, lukan ad turar nettat d Liverpool ! ». Amecwar akka, telḥeq-d s anejmuɛ Sadiya n l’euro. Terra ɣer Kaci l’angoisse :
– D acu akka yeḍran ?
– D JSK !
– Ɛni texser ? Et alors ! yerbeḥ neɣ yexser d gma-tneɣ ayen !
– Tamsalt est compliquée a nna Sadiya.
Dɣa yemmesla-as-d ɣef le partenariat contre nature i d-yellan gar Hanachi d umɛellem n Echourouk d karuh yekreh ujernan-a Tamurt n Leqbayel.
– Deg anta tamurt n waɛraben i d-iteffeɣ Echourouk-agi ?
– Di Bir Ghbalou a nna Sadiya.
– Ur tt-ssineɣ ara Tmurt-agi.
– Lezzayer !!
– D izzayriyen am nekk d kečč yettmejgiren ɣef Tmurt n Leqbayel ?
– Llan gar-asen ula d leqbayel.
– Safik tura tenza JSK ! Ɛni ulac yergazen di tmurt i izemren akken d-teqqareḍ ad sbunsurizin Hanachi ?
– Justement, iragazen-a ugin ad sbunsurizin Hanachi. Nnan-ak ad nesbunsurizi JSK…
– Teshel ihi : ad kksen Hanachi.
Ur tfukk ar awal terra ɣer la scène, temmeɣ ɣef umikru, tenna :
« Deg uqqeru-iw tefra. Ma fukken yergazen, llant tbergazin : si ssya d afella d nekk, Sadiya, ara yespunsurizin JSK. Frak n Echourouk ur d-ikeččem ara s annar. Ma d Hanachi wekkleɣ-as Rebbi. »
Akken tfukk yenneqlab ubṭeḥḍaḥ : « Sadiya présidente, Sadiya présidente.. !! Ass-a, azekka JSK tella, tella… !! anti tigi : d timaziɣin ! …»
T.Ould amar