Segmi yeldi uḥric n ubrid ameqran gar Bechloul d Bordj Bou Arréridj, tenɣes tikli deg ubrid aɣelnaw wis-5 yesdukklen gar El-Adjiba d Bouira. Abrid-a yellan yakan idemmek seg yikamyunen d tkerrusin yeḍḥa-d d tamenqast ideg fɣent aṭas n terwiḥin almi i s-ssawalen yimdanen « le couloir de la mort ». ulac ass ideg ur d-teḍri ara yiwet n twaɣit deg-s, imi d abrid iḍeyqen yesdukklen aṭas n twilayin. S kra akk i xedmen ssrabes n laman, ur ssawḍen ad ḥebsen aṭṭan-a yettnernin imi aḥric ameqran n yinehharen ur ttqadaren ara leqwanen, ur ttḥadaren ara ɣef terwiḥin nsen wala tid n wiyaḍ.
Tura, imi tuget n wid i d-yettasen seg tama n usammar ttaɣen abrid ameqran, yuɣal ubrid wis-5 yettwakkes fell-as lḥers, d ayen ara yeǧǧen ahat imdanen ad ssirmen ɣer uḥbas n unerni n twaɣiwin n yiberdan.
M. Smail