Di ddurt iεeddan, tlata yimdanen i ččan yidejjan yeṣṣḍen zyada γef imal i gezzren di lexla. Amezwaru iγef yemmeγ yiwen uqejjun, d Houhache Ali ; argaz-a yeffeγ-d netta d yiwen umeddakel-is tameddit n wass ad ḥewsen ur yeḥtam ara armi i d-ineggez fell-as ikerrec-it di tqeṣbuḍt, syin yeεreḍ ad d-yessenser aqerru n uqejjun acu kan yekkes-it-id di tqesbuḍt yuγal-as γer yidmaren. Yuγal yessekcem-d iman-is umeddakel-is, mεawanen armi nnγan aqejjun-nni. Ass umbεed tawaγit-a, s axxam i yedhem yiwen uqejjun-nniḍen anda ikerrec yiwen urgaz. Ṣbeḥ uqbel anect-a, d yiwen n yilemẓi iwumi i d-yezwar umeṣṣuḍ s abrid, yemmeγ-d fell-as, aqcic yerwel. Membla ma nettu dakken aṭas n lmal i iruḥen d iseflan γef lğal n ustehzi n yimḍebbren n tγiwant n Tizi Uzzu, imi ur d-rrin ara awal γef ucetki n yimezdaγ-agi.
Amur ameqqran n yiqejjan-agi, d imsewqen n wass lğemεa i ten-id-yettawin ṭeggiren-ten di ssuq n Tala Athmane.
L.O