Armi d ussan-a i yebda yettekkes wugur n transport ger tγiwant n Ukfadou d ddayra n Chemini.Imḍebren n uḥric-a n usiweḍ fkan ttesriḥ tura εad i yiwen n ufurgu kan, akken ad yettawi lγaci i teγzi n ubrid yeqnen taγiwant-a akked ddayra i tettabaε.Rray-a aṭas i yestreḥben s yes imi »Akken ad iruḥ yiwen seg Chemini ar Ukfadou ilaq-as qbel ad yekk γef Sidi Aich din ad iεiwed ad yali deg ufurgu-nniḍen « i yaγ-d-yenna yiwen seg yimezdaγ n Chemini i ixeddmen deg tγiwant nUkfadou.Rnu γef waya,taγiwant-a i ibeεden γef ddayra n Chemini s wazal n 15km imezdaγ-is yal tikelt ttafen uguren akken ad asen γer tdeblin yemxalafen yecban la CNAS yellan di tlemmast n Chemini.S wakka ttrajun seg srabes n usiweḍ ad snernin amḍan n yifurguten ara yettawin srid γer umkan mebla ma zzin-d γef Sidi Aich. Mokrane Chikhi
