Ass n Ssebt 13 furar 2010, texsi yiwet n teftilt i d-yefkan tafat d cbaḥa i tayri, yemmut ujeğğig di tebḥirt n tẓuri taqbaylit swayes i zzuzunen wulawen n wid yuḍnen, wagi d-acennay-nneγ ṚaḤim. ṚaḤim yeḥbes wulis i tyita deg-wul n temurt n Leqbayel, i tlemast n temdint n Tizi-Wezzu, yesεa 47 issegasen di laεmer-is. Tamḍelt-is tella-d ass n 15 uar 2010 di taddert-is Imqecren, tamnaḍt n At Σissa Mimun (At-Wagnun, Tizi-Wezzu). Issem-is aḥeqqani Raḥim Mohammed, ilul ass n 07 dujember 1963 deg irebbi n turt n leqbayel, taddert n Imqecren, Raḥim mucaε yur yemdanen s tezlit-is mucaεen nezzah “Yya-d ad m-iniɣ,; yecnatt ukud d Yasmina. Isalli n lmut n Raḥim yeγli-d am siεqa γef yedanen ara acku d axalaf meẓẓiyen i yemuten, maca ayen yexdem ad-yeqqim ilebda. Aṭas n yemdanen id-yussan aken ad-ḥedren i temḍelt-is, ger-asen icenayen, inaẓuren, imusnawen d wiyaḍ mara : Hacène Ahrès, Salah Mammar, Ali Ferhati, Siham Stiti, Ould Ali El Hadi, Moh Oubélaïd, Mohamed Allaoua, Taleb Tahar, Rabah Ouferhat, Zedek Mouloud, Yasmina, Ahcène Aït Zaïm…atg. Sgunfu di talwit ay acennay-nneγ,; ṣṣut-ik d tezlatin-ik ad qqiment i lebda.
Islam Bessaci